1 ⲡⲁⲇⲁⲩⲉⲓⲇ ⲛⲁϩⲣⲛ ⲅⲟⲗⲓⲁⲑ ϥⲥⲙⲁⲙⲁⲁⲧ ⲛϭⲓ ⲡϫⲟⲉⲓⲥ ⲡⲁⲛⲟⲩⲧⲉ ⲡⲉⲧⲧⲥⲁⲃⲟ ⲛⲛⲁϭⲓϫ ⲉⲡⲉⲙⲗⲁϩ ⲛⲁⲧⲏⲏⲃⲉ ⲉⲩⲡⲟⲗⲉⲙⲟⲥ</ab>
2 ⲡⲁⲛⲁ ⲙⲛ ⲡⲁⲙⲁ ⲛⲡⲱⲧ ⲡⲁⲣⲉϥϣⲟⲡⲧ ⲉⲣⲟϥ ⲁⲩⲱ ⲡⲁⲛⲟⲩϩⲙ ⲧⲁⲛⲁϣⲧⲉ ⲡⲉ ⲛⲧⲁⲓⲕⲁ ϩⲧⲏⲓ ⲉⲣⲟϥ ⲡⲉⲧϩⲩⲡⲟⲧⲁⲥⲥⲉ ⲙⲡⲗⲁⲟⲥ ϩⲁⲣⲁⲧⲧ</ab>
3 ⲡϫⲟⲉⲓⲥ ⲟⲩ ⲡⲉ ⲡⲣⲱⲙⲉ ϫⲉ ⲁⲕⲟⲩⲟⲛϩⲕ ⲛⲁϥ ⲉⲃⲟⲗ ⲏ ⲡϣⲏⲣⲉ ⲙⲡⲣⲱⲙⲉ ϫⲉ ⲕⲱⲡ ⲙⲙⲟϥ</ab>
4 ⲉⲣⲉⲡⲣⲱⲙⲉ ⲟ ⲛⲑⲉ ⲛϩⲉⲛⲡⲉⲧϣⲟⲩⲉⲓⲧ ⲉⲣⲉⲛⲉϥϩⲟⲟⲩⲟⲩ ⲉⲓⲛⲉ ⲛⲑⲉ ⲛϩⲉⲛϩⲁⲓⲃⲉⲥ</ab>
5 ⲡϫⲟⲉⲓⲥ ⲣⲉⲕⲧ ⲉⲧⲡⲉ ⲛⲅⲉⲓ ⲉⲡⲉⲥⲏⲧ ϫⲱϩ ⲉⲛⲧⲟⲟⲩ ⲛⲥⲉϯⲕⲁⲡⲛⲟⲥ</ab>
6 ϩⲱⲟⲩ ⲛϩⲉⲛⲃⲃⲣⲏϭⲉ ⲛⲅϫⲟⲟⲣⲟⲩ ⲉⲃⲟⲗ ⲧⲃⲕⲉⲛⲉⲕⲥⲟⲧⲉ ⲛⲅϣⲧⲣⲧⲱⲣⲟⲩ</ab>
7 ⲙⲁⲧⲛⲛⲟⲟⲩ ⲛⲧⲉⲕϭⲓϫ ⲉⲃⲟⲗ ϩⲙ ⲡϫⲓⲥⲉ ⲙⲁⲧⲟⲩϫⲟⲓ ⲛⲅⲛⲁϩⲙⲉⲧ ⲉϩⲉⲛⲙⲟⲟⲩ ⲉⲛⲁϣⲱⲟⲩ ⲁⲩⲱ ⲉⲧϭⲓϫ ⲛⲛϣⲏⲣⲉ ⲛⲛϣⲙⲙⲟ</ab>
8 ⲧⲉⲩⲧⲁⲡⲣⲟ ⲁⲥϫⲱ ⲛϩⲉⲛⲡⲉⲧϣⲟⲩⲉⲓⲧ ⲁⲩⲱ ⲧⲉⲩⲟⲩⲛⲁⲙ ⲟⲩⲟⲩⲛⲁⲙ ⲛϫⲓⲛϭⲟⲛⲥ ⲧⲉ</ab>
9 ⲡⲛⲟⲩⲧⲉ ϯⲛⲁϫⲱ ⲉⲣⲟⲕ ⲛⲟⲩϫⲱ ⲛⲃⲣⲣⲉ ϯⲛⲁⲯⲁⲗⲗⲉⲓ ⲉⲣⲟⲕ ϩⲛ ⲟⲩⲯⲁⲗⲧⲏⲣⲓⲟⲛ ⲙⲙⲏⲧ ⲛⲕⲁⲡ</ab>
10 ⲡⲉⲧϯ ⲛⲟⲩⲟⲩϫⲁⲓ ⲛⲛⲉⲣⲣⲱⲟⲩ ⲡⲉⲧⲥⲱⲧⲉ ⲛⲇⲁⲩⲉⲓⲇ ⲡⲉϥϩⲙϩⲁⲗ ⲉⲃⲟⲗ ϩⲛ ⲟⲩⲥⲏϥⲉ ⲉⲥϩⲟⲟⲩ</ab>
11 ⲛⲁϩⲙⲉⲧ ⲛⲅⲧⲟⲩϫⲟⲓ ⲉⲃⲟⲗ ϩⲛ ⲟⲩϣⲏⲣⲉ ⲛϣⲙⲙⲟ ⲁⲧⲉⲩⲧⲁⲡⲣⲟ ϫⲉ ⲡⲉⲧϣⲟⲩⲉⲓⲧ ⲧⲉⲩⲟⲩⲛⲁⲙ ⲟⲩⲟⲩⲙⲁⲙ ⲛϫⲓⲛϭⲟⲛⲥ ⲧⲉ</ab>
12 ⲛⲁⲓ ⲉⲣⲉⲛⲉⲩϣⲏⲣⲉ ⲟ ⲛⲑⲉ ⲛⲛⲓⲧⲱϭⲉ ⲛⲃⲣⲣⲉ ⲉⲛⲧⲁⲩⲧⲱⲕ ϩⲛ ⲧⲉⲩⲙⲛⲧⲕⲟⲩⲓ ⲉⲣⲉⲛⲉⲩϣⲉⲉⲣⲉ ⲧⲥⲁⲛⲏⲩ ⲉⲩⲧⲁⲙⲓⲏⲩ ⲛⲑⲉ ⲛⲛⲓⲣⲡⲉ</ab>
13 ⲉⲣⲉⲛⲉⲩⲧⲁⲙⲓⲟⲛ ⲙⲉϩ ⲉⲩⲡⲏⲛ ⲉⲃⲟⲗ ϩⲙ ⲡⲁⲓ ⲉⲡⲁⲓ ⲛⲉⲩⲉⲥⲟⲟⲩ ⲉⲩϫⲡⲉϩⲁϩ ⲉⲩⲟϣ ϩⲛ ⲛⲉⲩⲙⲁ ⲛⲉⲓ ⲉⲃⲟⲗ</ab>
14 ⲉⲣⲉⲛⲉⲩⲉϩⲟⲟⲩ ⲧⲏⲕ ⲙⲛⲧⲟⲩϩⲉ ⲛϫⲟⲟⲩ ⲇⲉ ϩⲓⲏ ⲛⲃⲱⲕ ⲉϩⲟⲩⲛ ⲉⲃⲟⲗ ⲟⲩⲇⲉ ⲙⲛⲁϣⲕⲁⲕ ϩⲛ ⲛⲉⲩⲡⲗⲁⲧⲓⲁ</ab>
15 ⲁⲩⲙⲁⲕⲁⲣⲓⲍⲉ ⲙⲡⲗⲁⲟⲥ ⲉⲧⲉⲟⲩⲛⲧϥ ⲛⲁⲓ ⲛⲁⲓⲁⲧϥ ⲙⲡⲗⲁⲟⲥ ⲉⲧⲉⲡϫⲟⲉⲓⲥ ⲡⲉ ⲡⲉϥⲛⲟⲩⲧⲉ</ab>