1 ⲁⲗⲗⲏⲗⲟⲩⲓⲁ ⲥⲙⲟⲩ ⲉⲡⲣⲁⲛ ⲙⲡϫⲟⲉⲓⲥ ⲛϩⲙϩⲁⲗ ⲥⲙⲟⲩ ⲉⲡϫⲟⲉⲓⲥ</ab>
2 ⲛⲉⲧⲁϩⲉⲣⲁⲧⲟⲩ ϩⲙ ⲡⲏⲓ ⲙⲡϫⲟⲉⲓⲥ ϩⲛ ⲛⲁⲩⲗⲏ ⲙⲡⲏⲓ ⲙⲡⲉⲛⲛⲟⲩⲧⲉ</ab>
3 ⲥⲙⲟⲩ ⲉⲡϫⲟⲉⲓⲥ ϫⲉ ⲟⲩⲭⲣⲏⲥⲧⲟⲥ ⲡⲉ ⲡϫⲟⲉⲓⲥ ⲯⲁⲗⲗⲉⲓ ⲉⲡⲉϥⲣⲁⲛ ϫⲉ ϥⲛⲟⲧⲙ</ab>
4 ϫⲉ ⲁⲡϫⲟⲉⲓⲥ ⲥⲉⲧⲡⲓⲁⲕⲱⲃ ⲛⲁϥ ⲡⲓ︤ⲏ︦ⲗ︥ ⲉⲩⲥⲟⲟⲩϩⲥ ⲛⲁϥ</ab>
5 ϫⲉ ⲁⲓⲉⲓⲙⲉ ⲁⲛⲟⲕ ϫⲉ ⲟⲩⲛⲟϭ ⲡⲉ ⲡϫⲟⲉⲓⲥ ⲁⲩⲱ ⲡⲉⲛϫⲟⲉⲓⲥ ⲡⲁⲣⲁ ⲛⲛⲟⲩⲧⲉ ⲧⲏⲣⲟⲩ</ab>
6 ϩⲱⲃ ⲛⲓⲙ ⲉⲛⲧⲁⲡϫⲟⲉⲓⲥ ⲟⲩⲁϣⲟⲩ ⲁⲩⲁⲁⲩ ϩⲛ ⲧⲡⲉ ⲁⲩⲱ ϩⲙ ⲡⲕⲁϩ</ab>
7 ϩⲛ ⲛⲑⲁⲗⲁⲥⲥⲁ ⲙⲛ ⲛⲛⲟⲩⲛ ⲡⲉⲛⲧⲁϥⲛⲛⲉⲕⲗⲟⲟⲗⲉ ⲉϩⲣⲁⲓ ϫⲓⲛ ⲁⲣⲏϫϥ ⲙⲡⲕⲁϩ ⲁϥⲕⲁⲛⲉⲃⲣⲏϭⲉ ⲉⲩϩⲱⲟⲩ ⲡⲉⲛⲧⲁϥⲛⲛⲧⲏⲩ ⲉⲃⲟⲗ ϩⲛ ⲛⲉⲩⲁϩⲱⲱⲣ</ab>
8 ⲡⲉⲛⲧⲁϥⲡⲁⲧⲁⲥⲥⲉ ⲛϣⲣⲡⲙⲓⲥⲉ ⲛⲓⲙ ⲛⲕⲏⲙⲉ ϫⲓⲛ ⲣⲱⲙⲉ ϣⲁ ⲧⲃⲛⲏ</ab>
9 ⲁϥϫⲟⲟⲩ ⲛϩⲉⲛⲙⲁⲓⲉⲛ ⲙⲛ ϩⲉⲛϣⲡⲏⲣⲉ ϩⲛ ⲧⲉⲕⲙⲏⲧⲉ ⲕⲏⲙⲉ ϩⲙ ⲫⲁⲣⲁⲱ ⲙⲛ ⲛⲉϥϩⲙϩⲁⲗ ⲧⲏⲣⲟⲩ</ab>
10 ⲡⲉⲛⲧⲁϥⲡⲁⲣⲁⲥⲥⲉ ⲛϩⲉⲛϩⲉⲑⲛⲟⲥ ⲉⲛⲁϣⲱⲟⲩ ⲉⲁϥⲙⲟⲩⲟⲩⲧ ⲛϩⲉⲛⲉⲣⲱⲟⲩ ⲉⲩⲧⲁϫⲣⲏⲩ</ab>
11 ⲥⲏⲱⲛ ⲡⲣⲣⲟ ⲛⲛⲁⲙⲟⲣⲣⲁⲓⲟⲥ ⲙⲛ ⲱⲅ ⲡⲣⲣⲟ ⲛⲧⲃⲁⲥⲁⲛ ⲙⲛ ⲛⲉⲣⲣⲱⲟⲩ ⲧⲏⲣⲟⲩ ⲛⲭⲁⲛⲁⲁⲛ</ab>
12 ⲁϥϯⲡⲉⲩⲕⲁϩ ⲛⲕⲗⲏⲣⲟⲛⲟⲙⲓⲁ ⲙⲡⲓ︤ⲏ︦ⲗ︥ ⲡⲉϥⲗⲁⲟⲥ</ab>
13 ⲡϫⲟⲉⲓⲥ ⲡⲉⲕⲣⲁⲛ ϣⲟⲟⲡ ϣⲁ ⲉⲛⲉϩ ⲡⲉⲕⲣⲡⲙⲉⲉⲩⲉ ⲡϫⲟⲉⲓⲥ ϣⲁ ⲟⲩϫⲱⲙ ⲙⲛ ⲟⲩϫⲱⲙ</ab>
14 ϫⲉ ⲡϫⲟⲉⲓⲥ ⲛⲁⲕⲣⲓⲛⲉ ⲙⲡⲉϥⲗⲁⲟⲥ ⲁⲩⲱ ⲥⲉⲛⲁⲥⲗⲥⲱⲗϥ ⲉϫⲛ ⲛⲉϥϩⲙϩⲁⲗ</ab>
15 ⲛⲉⲓⲇⲱⲗⲟⲛ ⲛⲛϩⲉⲑⲛⲟⲥ ϩⲉⲛϩⲁⲧ ⲛⲉ ϩⲓ ⲛⲟⲩⲃ ϩⲉⲛϩⲃⲏⲩⲉ ⲛⲉ ⲛϭⲓϫ ⲛⲣⲱⲙⲉ</ab>
16 ⲟⲩⲛⲃⲁⲗ ⲙⲙⲟⲟⲩ ⲙⲉⲩⲛⲁⲩ ⲉⲃⲟⲗ ⲟⲩⲛⲙⲁⲁϫⲉ ⲙⲙⲟⲟⲩ ⲙⲉⲩⲥⲱⲧⲙ</ab>
17 ⲣⲱⲟⲩ ⲙⲙⲟⲟⲩ ⲙⲉⲩϣⲁϫⲉ ϣⲁⲁⲛⲧⲟⲩ ⲙⲙⲟⲟⲩ ⲙⲉⲩϣⲱⲗⲙ ⲛⲉⲩϭⲓϫ ⲙⲙⲟⲟⲩ ⲙⲉⲩϭⲙϭⲟⲙ ⲛⲉⲩⲟⲩⲉⲣⲏⲧⲉ ⲙⲙⲟⲟⲩ ⲙⲉⲩⲙⲟⲟϣⲉ ⲙⲉⲩⲙⲟⲩⲧⲉ ϩⲛ ⲧⲉⲩϣⲟⲩⲱⲃⲉ ⲙⲛⲡ︤ⲛ︦ⲁ︥ ⲅⲁⲣ ϩⲛ ⲣⲱⲟⲩ</ab>
18 ⲉⲩⲉⲉⲓⲛⲉ ⲙⲙⲟⲟⲩ ⲛϭⲓ ⲛⲉⲛⲧⲁⲩⲧⲁⲙⲓⲟⲟⲩ ⲙⲛ ⲟⲩⲟⲛ ⲛⲓⲙ ⲉⲧⲛⲁϩⲧⲉ ⲉⲣⲟⲟⲩ</ab>
19 ⲡⲏⲓ ⲙⲡⲓ︤ⲏ︦ⲗ︥ ⲥⲙⲟⲩ ⲉⲡϫⲟⲉⲓⲥ ⲡⲏⲓ ⲛⲗⲉⲩⲉⲓ ⲥⲙⲟⲩ ⲉⲡϫⲟⲉⲓⲥ</ab>
20 ⲡⲏⲓ ⲛⲁⲁⲣⲱⲛ ⲥⲙⲟⲩ ⲉⲡϫⲟⲉⲓⲥ ⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲥⲙⲟⲩ ⲉⲡϫⲟⲉⲓⲥ</ab>
21 ⲡϫⲟⲉⲓⲥ ⲥⲙⲁⲙⲁⲁⲧ ϩⲛ ⲥⲓⲱⲛ ⲡⲉⲧⲟⲩⲏϩ ϩⲛ ⲑⲓⲉⲣⲟⲩⲥⲁⲗⲏⲙ</ab>