1 ⲧⲱⲇⲏ ⲛⲛⲧⲱⲣⲧⲣ ⲡϫⲟⲉⲓⲥ ⲁⲣⲓⲡⲙⲉⲉⲩⲉ ⲛⲇⲁⲩⲉⲓⲇ ⲙⲛ ⲧⲉϥⲙⲛⲧⲣⲙⲣⲁϣ ⲧⲏⲣⲥ</ab>
2 ⲛⲑⲉ ⲉⲛⲧⲁϥⲱⲣⲕ ⲙⲡϫⲟⲉⲓⲥ ⲁϥⲉⲣⲏⲧ ⲙⲡⲛⲟⲩⲧⲉ ⲛⲓⲁⲕⲱⲃ</ab>
3 ϫⲉ ⲛⲛⲁⲃⲱⲕ ⲉϩⲟⲩⲛ ⲉⲡⲙⲁ ⲛϣⲱⲡⲉ ⲙⲡⲁⲏⲓ ⲉⲁⲗⲉ ⲉϩⲣⲁⲓ ⲉϫⲙ ⲡⲉⲡⲣⲏϣ ⲙⲡⲁϭⲗⲟϭ</ab>
4 ϫⲉ ⲛⲛⲁϯϩⲓⲛⲏⲃ ⲛⲛⲁⲃⲁⲗ ⲣⲉⲕⲣⲓⲕⲉ ⲛⲛⲁⲃⲟⲩϩⲉ ⲙⲧⲟⲛ ⲛⲛⲁⲥⲙⲁⲩ</ab>
5 ϣⲁⲛϯϭⲛⲟⲩⲙⲁ ⲙⲡϫⲟⲉⲓⲥ ⲟⲩⲙⲁ ⲛϣⲱⲡⲉ ⲙⲡⲛⲟⲩⲧⲉ ⲛⲓⲁⲕⲱⲃ</ab>
6 ⲉⲓⲥ ϩⲏⲏⲧⲉ ⲁⲛⲥⲱⲧⲙ ⲉⲣⲟϥ ϩⲛ ⲉⲫⲣⲁⲑⲁ ⲁⲛϭⲛⲧϥ ϩⲛ ⲧⲥⲱϣⲉ ⲛⲛϣⲏⲛ</ab>
7 ⲧⲛⲛⲁⲃⲱⲕ ⲉϩⲟⲩⲛ ⲉⲡⲉϥⲙⲁ ⲛϣⲱⲡⲉ ⲛⲧⲛⲟⲩⲱϣⲧ ϩⲙ ⲡⲙⲁ ⲉⲛⲧⲁⲛⲉϥⲟⲩⲉⲣⲏⲧⲉ ⲁϩⲉⲣⲁⲧⲟⲩ ϩⲓϫⲱϥ</ab>
8 ⲧⲱⲟⲩⲛⲡϫⲟⲉⲓⲥ ⲉⲡⲉⲕⲙⲁ ⲛⲙⲧⲟⲛ ⲛⲧⲟⲕ ⲙⲛ ⲧⲉⲕϭⲓⲃⲱⲧⲟⲥ ⲉⲧⲟⲩⲁⲁⲃ</ab>
9 ⲛⲉⲕⲟⲩⲏⲏⲃ ⲛⲁϯ ϩⲓⲱⲟⲩ ⲛⲟⲩⲇⲓⲕⲁⲓⲟⲥⲩⲛⲏ ⲁⲩⲱ ⲛⲉⲕⲡⲉⲧⲟⲩⲁⲁⲃ ⲛⲁⲧⲉⲗⲏⲗ</ab>
10 ⲉⲧⲃⲉ ⲇⲁⲩⲉⲓⲇ ⲡⲉⲕϩⲙϩⲁⲗ ⲙⲡⲣⲕⲧⲉⲡⲉⲕϩⲟ ⲉⲃⲟⲗ ⲙⲡⲉⲕⲭⲣⲓⲥⲧⲟⲥ</ab>
11 ⲁⲡϫⲟⲉⲓⲥ ⲱⲣⲕ ⲛⲇⲁⲩⲉⲓⲇ ϩⲛ ⲟⲩⲙⲉ ⲛⲛⲉϥⲁⲑⲉⲧⲉⲓ ⲙⲙⲟⲥ ϫⲉ ϯⲛⲁⲑⲙⲥⲟ ⲉⲃⲟⲗ ϩⲙ ⲡⲕⲁⲣⲡⲟⲥ ⲛϩⲏⲧⲕ ⲉϫⲙ ⲡⲉⲕⲑⲣⲟⲛⲟⲥ</ab>
12 ⲉⲣϣⲁⲛⲛⲉⲕϣⲏⲣⲉ ϩⲁⲣⲉϩ ⲉⲧⲁⲇⲓⲁⲑⲏⲕⲏ ⲙⲛ ⲛⲁⲙⲛⲧⲙⲛⲧⲣⲉ ⲛⲁⲓ ⲉϯⲛⲁⲧⲥⲁⲃⲟⲟⲩ ⲉⲣⲟⲟⲩ ⲛⲉⲩϣⲏⲣⲉ ⲡⲉ ⲛⲁϩⲙⲟⲟⲥ ϩⲓ ⲡⲉⲕⲑⲣⲟⲛⲟⲥ ⲛϣⲁ ⲉⲛⲉϩ</ab>
13 ϫⲉ ⲁⲡϫⲟⲉⲓⲥ ⲥⲉⲧⲡⲥⲓⲱⲛ ⲁϥⲟⲩⲁϣⲥ ⲛⲁϥ ⲉⲩⲙⲁ ⲛⲟⲩⲱϩ</ab>
14 ⲡⲁⲓ ⲡⲉ ⲡⲁⲙⲁ ⲛϣⲱⲡⲉ ϣⲁ ⲉⲛⲉϩ ⲛⲉⲛⲉϩ ⲉⲓⲛⲁⲟⲩⲱϩ ⲛϩⲏⲧⲥ ϫⲉ ⲁⲓⲟⲩⲁϣⲥ</ab>
15 ϩⲛ ⲟⲩⲥⲙⲟⲩ ϯⲛⲁⲥⲙⲟⲩ ⲉⲧⲉⲥⲭⲏⲣⲁ ⲛⲉⲥϩⲏⲕⲉ ϯⲛⲁⲧⲥⲓⲟⲟⲩ ⲛⲟⲉⲓⲕ</ab>
16 ⲛⲉⲥⲟⲩⲏⲏⲃ ϯⲛⲁϯ ϩⲓⲱⲟⲩ ⲛⲟⲩⲟⲩϫⲁⲓ ⲁⲩⲱ ⲛⲉⲥⲡⲉⲧⲟⲩⲁⲁⲃ ϩⲛ ⲟⲩⲧⲉⲗⲏⲗ ⲥⲉⲛⲁⲧⲉⲗⲏⲗ</ab>
17 ϯⲛⲁϯⲟⲩⲱ ⲙⲙⲁⲩ ⲛⲟⲩⲧⲁⲡ ⲛⲇⲁⲩⲉⲓⲇ ⲁⲓⲥⲟⲃⲧⲉ ⲛⲟⲩϩⲏⲃⲥ ⲙⲡⲁⲭⲣⲓⲥⲧⲟⲥ</ab>
18 ϯⲛⲁϯ ϩⲓⲱⲟⲩ ⲛⲛⲉϥϫⲁϫⲉ ⲛⲟⲩϣⲓⲡⲉ ⲡⲁⲟⲩⲟⲡ ⲇⲉ ⲛⲁϯⲟⲩⲱ ⲉϩⲣⲁⲓ ⲉϫⲱϥ</ab>