1 ⲧⲱⲇⲏ ⲛⲛⲧⲱⲣⲧⲣ ⲛⲉⲧⲛⲁϩⲧⲉ ⲉⲡϫⲟⲉⲓⲥ ⲉⲩⲟ ⲛⲑⲉ ⲙⲡⲧⲟⲟⲩ ⲛⲥⲓⲱⲛ ⲡⲉⲧⲟⲩⲏϩ ϩⲛ ⲑⲓⲗ︤ⲏ︦ⲙ︥ ⲛϥⲛⲁⲕⲓⲙ ⲁⲛ ϣⲁ ⲉⲛⲉϩ</ab>
2 ⲛⲧⲟⲟⲩ ⲙⲡⲉⲥⲕⲱⲧⲉ ⲁⲩⲱ ⲡϫⲟⲉⲓⲥ ⲙⲡⲕⲱⲧⲉ ⲙⲡⲉϥⲗⲁⲟⲥ ϫⲓⲛ ⲧⲉⲛⲟⲩ ϣⲁ ⲉⲛⲉϩ</ab>
3 ϫⲉ ⲛϥⲛⲁⲕⲱ ⲁⲛ ⲙⲡϭⲉⲣⲱⲃ ⲛⲛⲣⲉϥⲣⲛⲟⲃⲉ ϩⲓϫⲙ ⲡⲉⲕⲗⲏⲣⲟⲥ ⲛⲛⲇⲓⲕⲁⲓⲟⲥ ϫⲉⲕⲁⲥ ⲉⲛⲉⲛⲇⲓⲕⲁⲓⲟⲥ ⲥⲟⲩⲧⲛ ⲛⲉⲩϭⲓϫ ⲉⲃⲟⲗ ϩⲛ ϩⲉⲛⲁⲛⲟⲙⲓⲁ</ab>
4 ⲡϫⲟⲉⲓⲥ ⲁⲣⲓⲡⲉⲧⲁⲛⲟⲩϥ ⲛⲛⲁⲅⲁⲑⲟⲥ ⲙⲛ ⲛⲉⲧⲥⲟⲩⲧⲱⲛ ϩⲙ ⲡⲉⲩϩⲏⲧ</ab>
5 ⲛⲉⲧⲣⲓⲕⲉ ⲇⲉ ⲙⲙⲟⲟⲩ ⲉⲃⲟⲗ ⲉⲛⲙⲛⲧⲥⲁ ⲛⲕⲟⲧⲥ ⲡϫⲟⲉⲓⲥ ⲛⲁⲛⲟⲩϫⲟⲩ ⲙⲛ ⲛⲉⲧⲣϩⲱⲃ ⲉⲧⲁⲛⲟⲙⲓⲁ ϯⲣⲏⲛⲏ ⲉϫⲙ ⲡⲓⲥⲣⲁⲏⲗ</ab>