1 ⲉⲡϫⲱⲕ ⲉⲃⲟⲗ ϩⲁ ⲡⲙⲉϩϣⲙⲟⲩⲛ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ</ab>
2 ⲙⲁⲧⲟⲩϫⲟⲓ ⲡϫⲟⲉⲓⲥ ϫⲉ ⲁⲡⲉⲧⲟⲩⲁⲁⲃ ⲱϫⲛ ϫⲉ ⲁⲙⲙⲛⲧⲙⲉ ⲥⲃⲟⲕ ⲉⲃⲟⲗ ϩⲛ ⲛϣⲏⲣⲉ ⲛⲛⲣⲱⲙⲉ</ab>
3 ⲁⲡⲟⲩⲁ ⲡⲟⲩⲁ ϣⲁϫⲉ ⲛϩⲉⲛⲡⲉⲧϣⲟⲩⲉⲓⲧ ⲛⲛⲁϩⲣⲙ ⲡⲉⲧϩⲓⲧⲟⲩⲱϥ ϩⲉⲛⲥⲡⲟⲧⲟⲩ ⲛⲕⲣⲟϥ ϩⲛ ⲟⲩϩⲏⲧ ⲁⲩⲱ ⲁϥϣⲁϫⲉ ϩⲙ ⲡⲉϥϩⲏⲧ</ab>
4 ⲡϫⲟⲉⲓⲥ ⲛⲁϥⲱⲧⲉ ⲉⲃⲟⲗ ⲛⲥⲡⲟⲧⲟⲩ ⲛⲓⲙ ⲛⲕⲣⲟϥ ⲁⲩⲱ ⲟⲩⲗⲁⲥ ⲛⲣⲉϥϫⲉⲛⲟϭ ⲛϣⲁϫⲉ</ab>
5 ⲛⲉⲛⲧⲁⲩϫⲟⲟⲥ ϫⲉ ⲧⲛⲛⲁϫⲓⲥⲉ ⲙⲡⲉⲛⲗⲁⲥ ⲛⲉⲛⲥⲡⲟⲧⲟⲩ ϩⲉⲛⲉⲃⲟⲗ ϩⲓⲧⲟⲟⲧⲛ ⲛⲉ ⲛⲓⲙ ⲡⲉⲧⲟ ⲛϫⲟⲉⲓⲥ ⲉⲣⲟⲛ</ab>
6 ⲉⲧⲃⲉ ⲧⲧⲁⲗⲁⲓⲡⲱⲣⲓⲁ ⲛⲛϩⲏⲕⲉ ⲙⲛ ⲡⲁϣⲁϩⲟⲙ ⲛⲛⲉⲃⲓⲏⲛ ⲡⲉϫⲉⲡϫⲟⲉⲓⲥ ϫⲉ ⲧⲉⲛⲟⲩ ϯⲛⲁⲧⲱⲟⲩⲛ ϯⲛⲁⲕⲱ ⲉϩⲣⲁⲓ ⲛⲟⲩⲟⲩϫⲁⲓ ⲛⲧⲁⲡⲁⲣⲣⲏⲥⲓⲁⲍⲉ ⲙⲙⲟⲓ ⲛϩⲏⲧϥ</ab>
7 ⲛϣⲁϫⲉ ⲙⲡϫⲟⲉⲓⲥ ϩⲉⲛϣⲁϫⲉ ⲉⲩⲟⲩⲁⲁⲃ ⲛⲉ ⲟⲩϩⲁⲧ ⲉϥⲡⲏⲥⲉ ⲉϥⲥⲟⲧⲡ ⲉⲁⲩⲧⲃⲃⲟϥ ϩⲙ ⲡⲕⲁϩ ⲛⲥⲁϣϥ ⲛⲥⲟⲡ</ab>
8 ⲛⲧⲟⲕ ⲇⲉ ⲡϫⲟⲉⲓⲥ ⲕⲛⲁϩⲁⲣⲉϩ ⲉⲣⲟⲛ ⲁⲩⲱ ⲕⲛⲁⲧⲟⲩϫⲟⲛ ⲉⲃⲟⲗ ϩⲛ ⲧⲉⲓⲅⲉⲛⲉⲁ ϣⲁ ⲉⲛⲉϩ</ab>
9 ⲛⲁⲥⲉⲃⲏⲥ ⲛⲁⲙⲟⲟϣⲉ ⲉⲩⲥⲟⲟⲩϩ ⲕⲁⲧⲁ ⲡⲉⲕϫⲓⲥⲉ ⲁⲕⲧⲁϣⲉ ⲛϣⲏⲣⲉ ⲛⲛⲣⲱⲙⲉ</ab>