1 ⲡⲉϣⲗⲏⲗ ⲙⲡϩⲏⲕⲉ ⲉϥϣⲁⲛⲙⲕⲁϩ ⲛϩⲏⲧ ⲛϥⲡⲱϩⲧ ⲙⲡⲉϥⲥⲟⲡⲥ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ</ab>
2 ⲡϫⲟⲉⲓⲥ ⲥⲱⲧⲙ ⲉⲡⲁϣⲗⲏⲗ ⲁⲩⲱ ⲙⲁⲣⲉⲡⲁⲁϣⲕⲁⲕ ⲉⲓ ϣⲁⲣⲟⲕ</ab>
3 ⲙⲡⲣⲕⲧⲉⲡⲉⲕϩⲟ ⲛⲥⲁⲃⲟⲗ ⲙⲙⲟⲓ ⲣⲉⲕⲧⲡⲉⲕⲙⲁⲁϫⲉ ⲉⲣⲟⲓ ⲙⲡⲉϩⲟⲟⲩ ⲉϯⲛⲁⲑⲗⲓⲃⲉ ϭⲉⲡⲏ ⲥⲱⲧⲙ ⲉⲣⲟⲓ ⲙⲡⲉϩⲟⲟⲩ ⲉϯⲛⲁⲱϣ ⲉϩⲣⲁⲓ ⲟⲩⲃⲏⲕ</ab>
4 ϫⲉ ⲁⲛⲁϩⲟⲟⲩ ⲱϫⲛ ⲛⲑⲉ ⲛⲟⲩⲕⲁⲡⲛⲟⲥ ⲁⲩⲱ ⲛⲁⲕⲉⲉⲥ ⲁⲩϭⲱϭ ⲛⲑⲉ ⲛⲟⲩⲱⲛⲉ</ab>
5 ⲁⲓϣⲱⲱϭⲉ ⲛⲑⲉ ⲛⲟⲩⲭⲟⲣⲧⲟⲥ ⲁⲩⲱ ⲁⲡⲁϩⲏⲧ ϣⲟⲟⲩⲉ ϫⲉ ⲁⲓⲣⲡⲱⲃϣ ⲉⲟⲩⲱⲙ ⲙⲡⲁⲟⲉⲓⲕ</ab>
6 ⲉⲃⲟⲗ ⲙⲡⲉϩⲟⲟⲩ ⲙⲡⲁⲁϣⲁϩⲟⲙ ⲁⲡⲁⲕⲁⲥ ⲧⲱϭⲉ ⲉⲧⲁⲥⲁⲣⲝ</ab>
7 ⲁⲓⲣⲑⲉ ⲛⲟⲩϩⲣⲓⲙ ⲛⲧⲉⲡϫⲁⲓⲉ ⲁⲓϣⲱⲡⲉ ⲛⲑⲉ ⲛⲟⲩϥⲁⲓ ϩⲛ ⲟⲩⲏⲓ</ab>
8 ⲁⲓⲣⲟⲩϣⲏ ⲛⲣⲟⲉⲓⲥ ⲁⲓⲣⲑⲉ ⲛⲟⲩϫⲁϫ ϩⲓ ⲟⲩϫⲉⲛⲉⲡⲱⲣ ⲙⲁⲩⲁⲁϥ</ab>
9 ⲁⲛⲁϫⲓϫⲉⲉⲩ ⲛⲉϭⲛⲟⲩϭⲧ ⲙⲡⲉϩⲟⲟⲩ ⲧⲏⲣϥ ⲁⲩⲱ ⲛⲉⲧⲧⲁⲓⲟ ⲙⲙⲟⲓ ⲛⲉⲩⲱⲣⲕ ⲙⲙⲟⲓ</ab>
10 ϫⲉ ⲁⲓⲟⲩⲉⲙⲕⲣⲙⲉⲥ ⲉⲡⲙⲁ ⲙⲡⲁⲟⲉⲓⲕ ⲁⲓⲕⲉⲣⲁ ⲙⲡⲉϯⲛⲁⲥⲟⲟϥ ϩⲓ ⲣⲙⲉⲓⲏ</ab>
11 ⲙⲡⲉⲕⲙⲧⲟ ⲉⲃⲟⲗ ⲛⲧⲉⲕⲟⲣⲅⲏ ⲙⲛ ⲡⲉⲕϭⲱⲛⲧ ϫⲉ ⲁⲕϥⲓⲧ ⲁⲕⲧⲁⲟⲩⲟⲓ ⲉϩⲣⲁⲓ</ab>
12 ⲁⲛⲁϩⲟⲟⲩ ⲣⲓⲕⲉ ⲛⲑⲉ ⲛⲟⲩϩⲁⲓⲃⲉⲥ ⲁⲩⲱ ⲁⲓϣⲟⲟⲩⲧⲉ ⲛⲑⲉ ⲛⲟⲩⲭⲟⲣⲧⲟⲥ</ab>
13 ⲛⲧⲟⲕ ⲇⲉ ⲡϫⲟⲉⲓⲥ ⲕϣⲟⲟⲡ ϣⲁ ⲉⲛⲉϩ ⲁⲩⲱ ⲡⲉⲕⲣⲡⲙⲉⲉⲩⲉ ϣⲁ ⲟⲩϫⲱⲙ ⲙⲛ ⲟⲩϫⲱⲙ</ab>
14 ⲧⲱⲟⲩⲛ ⲛⲧⲟⲕ ⲛⲅϣⲛϩⲧⲏⲕ ϩⲁ ⲥⲓⲱⲛ ϫⲉ ⲁⲡⲉⲟⲩⲟⲉⲓϣ ϣⲱⲡⲉ ⲛⲅϣⲛϩⲧⲏⲕ ϩⲁⲣⲟⲥ ϫⲉ ⲁⲡⲕⲁⲓⲣⲟⲥ ⲉⲓ</ab>
15 ϫⲉ ⲁⲛⲉⲕϩⲙϩⲁⲗ ⲟⲩⲉϣⲛⲉⲥⲱⲛⲉ ⲁⲩⲱ ⲥⲉⲛⲁϣⲛϩⲧⲏⲩ ϩⲁ ⲡⲉⲥⲕⲁϩ</ab>
16 ⲛⲧⲉⲛϩⲉⲑⲛⲟⲥ ⲣϩⲟⲧⲉ ϩⲏⲧϥ ⲙⲡⲣⲁⲛ ⲙⲡϫⲟⲉⲓⲥ ⲁⲩⲱ ⲛⲉⲣⲣⲱⲟⲩ ⲙⲡⲕⲁϩ ϩⲏⲧϥ ⲙⲡⲉⲕⲉⲟⲟⲩ</ab>
17 ϫⲉ ⲡϫⲟⲉⲓⲥ ⲛⲁⲕⲉⲧⲥⲓⲱⲛ ⲛϥⲟⲩⲱⲛϩ ⲉⲃⲟⲗ ⲙⲡⲉϥⲉⲟⲟⲩ</ab>
18 ⲁϥϭⲱϣⲧ ⲉϫⲙ ⲡⲉϣⲗⲏⲗ ⲛⲛⲉⲧⲑⲃⲃⲓⲏⲩ ⲁⲩⲱ ⲙⲡϥⲥⲉϣϥ ⲡⲉⲩⲥⲟⲡⲥ</ab>
19 ⲙⲁⲣⲟⲩⲥⲉϩ ⲡⲁⲓ ⲉⲕⲉϫⲱⲙ ⲁⲩⲱ ⲡⲗⲁⲟⲥ ⲉⲧⲟⲩⲛⲁⲥⲟⲛⲧϥ ⲛⲁⲥⲙⲟⲩ ⲉⲡϫⲟⲉⲓⲥ</ab>
20 ϫⲉ ⲁϥϭⲱϣⲧ ⲉⲃⲟⲗ ⲉϫⲙ ⲡⲉϥϫⲓⲥⲉ ⲉⲧⲟⲩⲁⲁⲃ ⲡϫⲟⲉⲓⲥ ⲁϥϭⲱϣⲧ ⲉⲃⲟⲗ ϩⲛ ⲧⲡⲉ ⲉϫⲙ ⲡⲕⲁϩ</ab>
21 ⲉⲥⲱⲧⲙ ⲉⲡⲁϣⲁϩⲟⲙ ⲛⲛⲉⲧⲙⲏⲣ ⲉⲃⲱⲗ ⲉⲃⲟⲗ ⲛⲛϣⲏⲣⲉ ⲛⲛⲉⲛⲧⲁⲩⲙⲟⲟⲩⲧⲟⲩ</ab>
22 ⲉϫⲱ ⲙⲡⲣⲁⲛ ⲙⲡϫⲟⲉⲓⲥ ϩⲛ ⲥⲓⲱⲛ ⲁⲩⲱ ⲡⲉϥⲥⲙⲟⲩ ϩⲛ ⲑⲓⲗ︤ⲏ︦ⲙ︥</ab>
23 ϩⲙ ⲡⲧⲣⲉⲛⲗⲁⲟⲥ ⲥⲱⲟⲩϩ ⲉⲩⲙⲁ ⲛⲟⲩⲱⲧ ⲁⲩⲱ ⲛⲉⲣⲣⲱⲟⲩ ⲉⲣϩⲙϩⲁⲗ ⲙⲡϫⲟⲉⲓⲥ</ab>
24 ⲁϥⲟⲩⲱϣⲃ ⲛⲁϥ ϩⲛ ⲧϩⲓⲏ ⲛⲧⲉϥϭⲟⲙ ϫⲉ ϫⲱ ⲉⲣⲟⲓ ⲙⲡⲉⲥⲃⲟⲕ ⲛⲛⲁϩⲟⲟⲩ</ab>
25 ⲙⲡⲣⲛⲧ ⲉϩⲣⲁⲓ ϩⲛ ⲧⲡⲁϣⲉ ⲛⲛⲁϩⲟⲟⲩ ⲁⲩⲱ ⲛⲉⲕⲣⲟⲙⲡⲉ ϩⲛ ⲟⲩϫⲱⲙ ⲛⲛϫⲱⲙ</ab>
26 ϫⲓⲛ ⲧⲉϩⲟⲩⲉⲓⲧⲉ ⲛⲧⲟⲕ ⲡϫⲟⲉⲓⲥ ⲉⲛⲧⲁⲕⲥⲙⲛⲥⲛⲧⲉ ⲙⲡⲕⲁϩ ⲛⲉϩⲃⲏⲩⲉ ⲛⲛⲉⲕϭⲓϫ ⲛⲉ ⲙⲡⲏⲩⲉ</ab>
27 ⲛⲧⲟⲟⲩ ⲥⲉⲛⲁϩⲉ ⲉⲃⲟⲗ ⲛⲧⲟⲕ ⲇⲉ ⲕϣⲟⲟⲡ ⲥⲉⲛⲁⲣⲁⲥ ⲧⲏⲣⲟⲩ ⲛⲑⲉ ⲛⲟⲩϩⲟⲉⲓⲧⲉ ⲁⲩⲱ ⲕⲛⲁⲥⲉϩⲟⲩⲱⲟⲩ ⲛⲑⲉ ⲛⲟⲩⲣϣⲱⲛ ⲛⲥⲉϣⲓⲃⲉ</ab>
28 ⲛⲧⲟⲕ ⲇⲉ ⲛⲧⲟⲕ ⲟⲛ ⲡⲉ ⲁⲩⲱ ⲛⲉⲕⲣⲟⲙⲡⲉ ⲛⲁⲱϫⲛ ⲁⲛ</ab>
29 ⲛϣⲏⲣⲉ ⲛⲛⲉⲕϩⲙϩⲁⲗ ⲛⲁⲟⲩⲱϩ ϩⲓϫⲙ ⲡⲕⲁϩ ⲁⲩⲱ ⲡⲉⲩⲥⲡⲉⲣⲙⲁ ⲛⲁⲥⲟⲟⲩⲧⲛ ϣⲁ ⲉⲛⲉϩ</ab>