1 ϣⲁⲣⲉⲟⲩϣⲏⲣⲉ ⲛⲥⲁⲃⲉ ⲥⲱⲧⲙ ⲛⲥⲁⲡⲉϥⲉⲓⲱⲧ ⲉⲣⲉⲟⲩϣⲏⲣⲉ ⲇⲉ ⲛⲁⲧⲥⲱⲧⲙ ϩⲙⲡⲧⲁⲕⲟ</ab>
2 ⲡⲉⲧⲛⲁⲛⲟⲩϥ ⲛⲁⲟⲩⲱⲙ ⲉⲃⲟⲗ ϩⲙⲡⲕⲁⲣⲡⲟⲥ ⲛⲧⲇⲓⲕⲁⲓⲟⲥⲩⲛⲏ ⲛⲉⲯⲩⲭⲏ ⲇⲉ ⲛⲙⲡⲁⲣⲁⲛⲟⲙⲟⲥ ⲛⲁⲙⲟⲩ ⲉⲩⲟ ⲛϣⲁⲣⲁϩⲉ</ab>
3 ⲡⲉⲧϩⲁⲣⲉϩ ⲣⲱϥ ⲉϥϩⲁⲣⲉϩ ⲉⲧⲉϥⲯⲩⲭⲏ ⲡⲉⲧϣⲧⲣⲧⲱⲣ ⲇⲉ ϩⲛⲛⲉϥⲥⲡⲟⲧⲟⲩ ⲛⲁϣⲧⲣⲧⲱⲣϥ ⲟⲩⲁⲁϥ</ab>
4 ⲁⲣⲅⲟⲥ ⲛⲓⲙ ϩⲛϩⲉⲛⲉⲡⲓⲑⲩⲙⲓⲁ ⲛϭⲓϫ ⲇⲉ ⲛⲛϫⲱⲱⲣⲉ ϩⲛⲟⲩⲱⲣϫ</ab>
5 ⲡⲇⲓⲕⲁⲓⲟⲥ ⲙⲟⲥⲧⲉ ⲛⲟⲩϣⲁϫⲉ ⲛϫⲓⲛϭⲟⲛⲥ ⲡⲁⲥⲉⲃⲏⲥ ⲇⲉ ⲛⲁϫⲓ ϣⲓⲡⲉ ⲛϥⲧⲙϫⲓ ⲛⲟⲩⲡⲁⲣⲣⲏⲥⲓⲁ</ab>
6 ϣⲁⲣⲉⲧⲇⲓⲕⲁⲓⲟⲥⲩⲛⲏ ϩⲁⲣⲉϩ ⲉⲛⲃⲁⲗϩⲏⲧ ϣⲁⲣⲉⲡⲛⲟⲃⲉ ⲇⲉ ⲣⲁⲥⲉⲃⲏⲥ ⲛⲕⲣⲟϥ</ab>
7 ⲟⲩⲛⲛⲉⲧⲉⲓⲣⲉ ⲙⲙⲟⲟⲩ ⲛⲣⲙⲙⲁⲟ ⲉⲙⲛⲧⲟⲩⲗⲁⲁⲩ ⲁⲩⲱ ⲟⲩⲛⲛⲉⲧⲑⲃⲃⲓⲟ ⲙⲙⲟⲟⲩ ⲉⲩϩⲛⲟⲩⲛⲟϭ ⲙⲙⲛⲧⲣⲙⲙⲁⲟ</ab>
8 ⲡⲥⲱⲧⲉ ⲛⲧⲉⲯⲩⲭⲏ ⲙⲡⲣⲱⲙⲉ ⲧⲉ ⲧⲉϥⲙⲛⲧⲣⲙⲙⲁⲟ ⲙⲉⲣⲉⲡϩⲏⲕⲉ ⲇⲉ ϥⲓ ϩⲁⲟⲩⲁⲡⲓⲗⲏ</ab>
9 ⲡⲟⲩⲟⲉⲓⲛ ϣⲟⲟⲡ ⲛⲛⲇⲓⲕⲁⲓⲟⲥ ⲛⲟⲩⲟⲉⲓϣ ⲛⲓⲙ ⲡⲟⲩⲟⲉⲓⲛ ⲇⲉ ⲛⲛⲁⲥⲉⲃⲏⲥ ⲛⲁϫⲉⲛⲁ ⲛⲉⲯⲩⲭⲏ ⲛⲕⲣⲟϥ ⲡⲗⲁⲛⲁ ϩⲛϩⲉⲛⲛⲟⲃⲉ ϣⲁⲣⲉⲛⲇⲓⲕⲁⲓⲟⲥ ⲇⲉ ϣⲛϩⲧⲏⲩ ⲛⲥⲉⲛⲁ</ab>
10 ϣⲁⲣⲉⲡⲡⲉⲑⲟⲟⲩ ⲣϩⲉⲛⲡⲉⲑⲟⲟⲩ ϩⲛⲟⲩⲥⲱϣ ϩⲉⲛⲥⲟⲫⲟⲥ ⲇⲉ ⲛⲉ ⲛⲉⲧⲥⲟⲟⲩⲛ ⲛⲧⲇⲓⲕⲁⲓⲟⲥⲩⲛⲏ</ab>
11 ⲧⲙⲛⲧⲣⲙⲙⲁⲟ ⲉⲧⲟⲩϭⲉⲡⲏ ⲉϫⲡⲟⲥ ϩⲛⲟⲩⲁⲛⲟⲙⲓⲁ ⲛⲁⲣϭⲣⲱϩ ⲧⲉⲧⲟⲩⲥⲟⲩⲱϩ ⲇⲉ ⲙⲙⲟⲥ ⲉϩⲟⲩⲛ ϩⲛⲟⲩⲙⲛⲧⲙⲁⲓⲛⲟⲩⲧⲉ ⲛⲁⲁϣⲁⲓ</ab>
12 ϥⲥⲟⲧⲡ ⲛϭⲓⲡⲉⲧⲣϣⲟⲣⲡ ⲉⲃⲟⲏⲑⲓ ϩⲙⲡϩⲏⲧ ⲉϩⲟⲩⲉⲡⲉⲧⲉⲣⲏⲧ ⲁⲩⲱ ⲉϥⲣϩⲧⲏϥ ϣⲁⲣⲉⲟⲩϣⲏⲛ ⲅⲁⲣ ⲛⲱⲛϩ ϣⲱⲡⲉ ϩⲛⲟⲩⲟⲩⲱϣ ⲉⲛⲁⲛⲟⲩϥ</ab>
13 ⲡⲉⲧⲕⲁⲧⲁⲫⲣⲟⲛⲓ ⲛⲟⲩϩⲱⲃ ⲥⲉⲛⲁⲕⲁⲧⲁⲫⲣⲟⲛⲓ ⲙⲙⲟϥ ⲡⲉⲧⲣϩⲟⲧⲉ ⲇⲉ ϩⲏⲧⲥ ⲛⲧⲉⲛⲧⲟⲗⲏ ⲡⲁⲓ ⲡⲉ ⲉⲧⲟⲩⲟϫ ⲙⲛⲗⲁⲁⲩ ⲛⲁⲅⲁⲑⲟⲛ ⲛⲁϣⲱⲡⲉ ⲛⲟⲩϣⲏⲣⲉ ⲛⲕⲣⲟϥ ⲟⲩⲛϩⲉⲛϩⲃⲏⲩⲉ ⲇⲉ ⲉⲩⲥⲟⲩⲧⲱⲛ ⲛⲁϣⲱⲡⲉ ⲛⲟⲩϩⲙϩⲁⲗ ⲛⲥⲟⲫⲟⲥ</ab>
14 ⲟⲩⲛⲟⲩⲡⲏⲅⲏ ⲛⲱⲛϩ ϩⲛⲛⲉϩⲓⲟⲟⲩⲉ ⲛⲧⲥⲟⲫⲓⲁ ⲡⲁⲑⲏⲧ ⲇⲉ ⲛⲁⲙⲟⲩ ϩⲛⲟⲩⲡⲁϣ</ab>
15 ϣⲁⲣⲉⲟⲩⲙⲛⲧⲣⲙⲛϩⲏⲧ ⲉⲛⲁⲛⲟⲩⲥ ϯ ⲛⲟⲩϩⲙⲟⲧ ⲟⲩⲧⲁⲕⲟ ⲇⲉ ⲛⲉ ⲛⲉϩⲓⲟⲟⲩⲉ ⲛⲙⲡⲁⲣⲁⲛⲟⲙⲟⲥ</ab>
16 ϣⲁⲣⲉⲡⲁⲛⲟⲩⲣⲅⲟⲥ ⲛⲓⲙ ⲣϩⲱⲃ ϩⲛⲟⲩϣⲟϫⲛⲉ ϣⲁⲣⲉⲡⲁⲑⲏⲧ ⲇⲉ ⲡⲣϣⲧⲉϥⲕⲁⲕⲓⲁ ⲉⲃⲟⲗ</ab>
17 ⲟⲩⲛⲟⲩϥⲁⲓϣⲓⲛⲉ ⲛⲛⲁϣⲧⲙⲙⲉ ⲛⲁϩⲉ ⲉϩⲣⲁⲓ ⲉϩⲉⲛⲡⲉⲑⲟⲟⲩ ϣⲁⲣⲉⲡϥⲁⲓϣⲓⲛⲉ ⲇⲉ ⲉⲧⲛϩⲟⲧ ⲧⲁⲗϭⲟ</ab>
18 ϣⲁⲣⲉⲧⲉⲥⲃⲱ ϥⲓ ⲛⲟⲩⲙⲛⲧϩⲏⲕⲉ ⲙⲛⲟⲩⲥⲱϣ ⲡⲉⲧϩⲁⲣⲉϩ ⲇⲉ ⲉϩⲉⲛϫⲡⲓⲟ ⲛⲁϫⲓⲉⲟⲟⲩ</ab>
19 ϣⲁⲣⲉⲛⲉⲡⲓⲑⲩⲙⲓⲁ ⲛⲛⲣⲙⲛⲛⲟⲩⲧⲉ ϯⲟⲩⲛⲟϥ ⲛⲛⲉⲩⲯⲩⲭⲏ ⲛⲉⲡⲓⲑⲩⲙⲓⲁ ⲇⲉ ⲛⲛⲁⲥⲉⲃⲏⲥ ⲟⲩⲏⲩ ⲉⲃⲟⲗ ⲙⲡⲥⲟⲟⲩⲛ ⲛϫⲱϩⲙ ⲛⲛⲁⲥⲉⲃⲏⲥ ⲟⲩⲏⲩ ⲉⲃⲟⲗ ⲛⲁⲓⲥⲑⲏⲥⲓⲥ ⲛⲁⲥⲉⲃⲏⲥ ⲇⲉ ⲛⲁⲥⲁϩⲟⲩ ⲉⲃⲟⲗ ⲛⲛⲣⲙⲛⲟⲩⲧⲉ</ab>
20 ⲉⲕϣⲁⲛⲙⲟⲟϣⲉ ⲙⲛϩⲉⲛⲥⲟⲫⲟⲥ ⲕⲛⲁⲣⲥⲟⲫⲟⲥ ⲡⲉⲧⲙⲟⲟϣⲉ ⲇⲉ ⲙⲛϩⲉⲛⲁⲑⲏⲧ ϥⲛⲁⲟⲩⲱⲛϩ ⲉⲃⲟⲗ ⲛⲇⲓⲕⲁⲓⲟⲥ ⲛⲁϣⲱⲡⲉ ϩⲛⲟⲩⲉⲓⲣⲏⲛⲏ</ab>
21 ⲙⲡⲉⲑⲟⲟⲩ ⲛⲁⲡⲱⲧ ⲛⲥⲁⲛⲣⲉϥⲣⲛⲟⲃⲉ ⲛⲁⲅⲁⲑⲟⲛ ⲇⲉ ⲛⲁⲧⲁϩⲉⲛⲇⲓⲕⲁⲓⲟⲥ</ab>
22 ⲡⲣⲱⲙⲉ ⲛⲇⲓⲕⲁⲓⲟⲥ ⲛⲁⲡⲱϣ ⲉϫⲛⲛϣⲏⲣⲉ ⲛⲛⲉϥϣⲏⲣⲉ ⲉⲩⲥⲟⲩⲱϩ ⲉϩⲟⲩⲛ ⲛⲧⲙⲛⲧⲣⲙⲙⲁⲟ ⲛⲛⲁⲥⲉⲃⲏⲥ ⲛⲛⲇⲓⲕⲁⲓⲟⲥ</ab>
23 ⲛϫⲱⲱⲣⲉ ⲛⲁⲙⲧⲟⲛ ⲙⲙⲟⲟⲩ ⲛϩⲁϩ ⲛⲣⲟⲙⲡⲉ ϩⲛⲟⲩⲙⲛⲧⲣⲙⲙⲁⲟ ⲁϩⲟⲓⲛⲉ ⲇⲉ ⲧⲁⲕⲟ ⲛⲧⲉⲩⲛⲟⲩ</ab>
24 ⲡⲉⲧϯⲥⲟ ⲉⲡⲉϥϭⲉⲣⲱϥ ⲉϥⲙⲟⲥϩⲧⲉ ⲙⲡⲉϥϣⲏⲣⲉ ⲡⲉⲧⲙⲉ ⲇⲉ ⲙⲡⲱϥ ϥⲛⲁϯⲥⲃⲱ ⲛⲁϥ ⲉⲙⲁⲧⲉ</ab>
25 ⲉⲣⲉⲡⲇⲓⲕⲁⲓⲟⲥ ⲟⲩⲱⲙ ϣⲁϥⲧⲥⲓⲟ ⲛⲧⲉϥⲯⲩⲭⲏ ⲛⲉⲯⲩⲭⲏ ⲇⲉ ⲛⲛⲁⲥⲉⲃⲏⲥ ⲛⲁⲣϭⲣⲱϩ</ab>
26 <gap reason=""/>
27 <gap reason=""/>