7 ⲟⲩ ⲡⲉⲧⲛⲛⲁⲁⲁϥ ⲉⲧⲃⲉ ⲛⲕⲟⲟⲩⲉ ⲉⲧⲟ ⲛϩⲟⲩⲟ ⲉⲛⲧⲁⲩϣⲱϫⲡ ⲉⲧⲃⲉ ϯⲥϩⲓⲙⲉ ⲛⲁⲩ ⲁⲩⲱ ⲁⲛⲟⲛ ⲁⲛⲱⲣⲕ ⲙⲡϫⲟⲉⲓⲥ ⲉⲧⲙϯϩⲓⲙⲉ ⲛⲁⲩ ⲉⲃⲟⲗ ϩⲛ ⲛⲉⲛϣⲉⲉⲣⲉ</ab>
8 ⲁⲩⲱ ⲡⲉϫⲁⲩ ϫⲉ ⲛⲓⲙ ⲉⲃⲟⲗ ϩⲛ ⲛⲉⲫⲩⲗⲏ ⲙⲡⲓⲥⲣⲁⲏⲗ ⲡⲉⲧⲙⲡϥⲉⲓ ⲉϩⲣⲁⲓ ⲉⲣⲁⲧϥ ⲙⲡϫⲟⲉⲓⲥ ⲉⲙⲁⲥⲥⲏⲫⲁ ⲁⲩⲱ ⲉⲓⲥ ϩⲏⲏⲧⲉ ⲙⲡⲟⲩⲉⲓ ⲉϩⲣⲁⲓ ⲉⲧⲡⲁⲣⲉⲙⲃⲟⲗⲏ ⲛϭⲓ ⲛⲣⲱⲙⲉ ⲛⲉⲃⲟⲗ ϩⲛ ⲓⲁⲃⲓⲥ ⲛⲧⲉⲅⲁⲗⲁⲁⲇ ⲉⲧⲉⲕⲕⲗⲏⲥⲓⲁ</ab>
9 ⲁⲩⲱ ⲡⲗⲁⲟⲥ ⲁⲩⲙⲟϣⲧϥ ⲙⲡⲟⲩϩⲉ ⲉⲣⲱⲙⲉ ⲛϩⲏⲧⲟⲩ ⲉⲃⲟⲗ ϩⲛ ⲛⲉⲧⲟⲩⲏϩ ϩⲛ ⲓⲁⲃⲏⲥ ⲛⲧⲉⲅⲁⲗⲁⲁⲇ</ab>
10 ⲁⲩⲱ ⲧⲥⲩⲛⲁⲅⲱⲅⲏ ⲁⲥϫⲟⲟⲩ ⲉⲡⲙⲁ ⲉⲧⲙⲙⲁⲩ ⲙⲙⲛⲧⲥⲛⲟⲟⲩⲥ ⲛϣⲟ ⲛⲣⲱⲙⲉ ⲉⲃⲟⲗ ϩⲛ ⲛϣⲏⲣⲉ ⲙⲡⲓⲥⲣⲁⲏⲗ ⲛϣⲏⲣⲉ ⲛϫⲱⲱⲣⲉ ⲁⲩⲱ ⲁⲩϩⲱⲛ ⲉⲧⲟⲟⲧⲟⲩ ⲉⲩϫⲱ ⲙⲙⲟⲥ ϫⲉ ⲃⲱⲕ ⲛⲧⲉⲧⲛⲡⲁⲧⲁⲥⲥⲉ ⲛⲛⲉⲧⲟⲩⲏϩ ϩⲛ ⲓⲁⲃⲓⲥ ⲛⲧⲉⲅⲁⲗⲁⲁⲇ ϩⲛ ⲟⲩⲧⲁⲡⲣⲟ ⲛⲥⲏϥⲉ ⲁⲩⲱ ⲛⲉϩⲓⲟⲙⲉ ⲙⲛ ⲡⲗⲁⲟⲥ</ab>
11 ⲁⲩⲱ ⲡⲉⲓϣⲁϫⲉ ⲉⲧⲉⲧⲛⲉⲁⲁϥ ϩⲟⲟⲩⲧ ⲛⲓⲙ ⲁⲩⲱ ⲥϩⲓⲙⲉ ⲛⲓⲙ ⲉⲁⲥⲥⲟⲩⲛⲙⲁ ⲛⲛⲕⲟⲧⲕ ⲛϩⲟⲟⲩⲧ ⲁⲣⲓⲥⲟⲩ ⲛⲁⲛⲁⲑⲉⲙⲁ ⲏ ⲛⲃⲟⲧⲉ ⲙⲡⲁⲣⲑⲉⲛⲟⲥ ⲇⲉ ϩⲁⲣⲉϩ ⲉⲣⲟⲟⲩ ⲁⲩⲱ ⲁⲩⲉⲓⲣⲉ ϩⲓ ⲛⲁⲓ</ab>
12 ⲁⲩϭⲓⲛⲉ ⲉⲃⲟⲗ ϩⲛ ⲛⲉⲧⲟⲩⲏϩ ϩⲛ ⲛⲓⲁⲃⲓⲥ ⲛⲧⲉⲅⲁⲗⲁⲁⲇ ⲛϥⲧⲟⲩϣⲉ ⲛϣⲉⲉⲣⲉ ϣⲏⲙ ⲙⲡⲁⲣⲑⲉⲛⲟⲥ ⲛⲁⲓ ⲉⲧⲉⲙⲡⲟⲩⲥⲟⲩⲛϩⲟⲟⲩⲧ ⲉⲛⲕⲟⲧⲕ ⲛⲙⲙⲁⲩ ⲁⲩⲛⲛⲧⲟⲩ ⲉϩⲣⲁⲓ ⲉⲧⲡⲁⲣⲉⲙⲃⲟⲗⲏ ϩⲛ ⲥⲏⲗⲱ ⲧⲁⲓ ⲉⲧϩⲙ ⲡⲕⲁϩ ⲛⲭⲁⲛⲁⲁⲛ</ab>
13 ⲁⲩⲱ ⲁⲥϫⲟⲟⲩ ⲛϭⲓ ⲧⲥⲩⲛⲁⲅⲱⲅⲏ ⲧⲏⲣⲥ ⲁⲩϣⲁϫⲉ ⲙⲛ ⲛϣⲏⲣⲉ ⲛⲃⲉⲛⲓⲁⲙⲓⲛ ϩⲛ ⲧⲡⲉⲧⲣⲁ ⲛϩⲣⲉⲙⲙⲱⲛ ⲁⲩⲙⲟⲩⲧⲉ ⲉⲣⲟⲟⲩ ⲉⲩⲉⲓⲣⲏⲛⲏ ⲛⲙⲙⲁⲩ</ab>
14 ⲁⲩⲱ ⲛϣⲏⲣⲉ ⲛⲃⲉⲛⲓⲁⲙⲓⲛ ⲁⲩⲕⲧⲟⲟⲩ ⲉⲣⲁⲧⲟⲩ ⲛⲛϣⲏⲣⲉ ⲙⲡⲓⲥⲣⲁⲏⲗ ⲛⲉⲩⲥⲛⲏⲩ ⲙⲡⲟⲩⲟⲉⲓϣ ⲉⲧⲙⲙⲁⲩ ⲁⲩⲱ ⲛϣⲏⲣⲉ ⲙⲡⲓⲥⲣⲁⲏⲗ ⲁⲩϯ ⲛⲁⲩ ⲛⲛⲉϩⲓⲟⲙⲉ ⲛⲁⲓ ⲉⲛⲧⲁⲩϥⲓⲧⲟⲩ ⲉⲃⲟⲗ ϩⲛ ⲛϣⲉⲉⲣⲉ …</ab>