1 ⲁⲩⲱ ⲁⲩⲥⲟⲩⲱϩ ⲛϭⲓ ⲛϣⲏⲣⲉ ⲛⲉⲫⲣⲁⲓⲙ ⲁⲩⲉⲓ ⲉϩⲣⲁⲓ ⲉⲥⲉⲫⲓⲛⲁ ⲡⲉϫⲁⲩ ⲛⲓⲉⲫⲑⲁⲉ ϫⲉ ⲉⲧⲃⲉ ⲟⲩ ⲁⲕⲃⲱⲕ ⲉⲙⲓϣⲉ ⲙⲛ ⲛϣⲏⲣⲉ ⲛⲁⲙⲙⲱⲛ ⲁⲩⲱ ⲁⲛⲟⲛ ⲙⲡⲕⲙⲟⲩⲧⲉ ⲉⲉⲣⲟⲛ ⲉⲧⲣⲉⲛⲉⲓ ⲛⲙⲙⲁⲕ ⲡⲉⲕⲏⲓ ⲧⲛⲛⲁⲣⲟⲕϩϥ ⲉϫⲱⲕ ϩⲛ ⲟⲩⲥⲁⲧⲉ</ab>
2 ⲁⲩⲱ ⲓⲉⲫⲑⲁⲉ ⲡⲉϫⲁⲩ ⲛⲁϥ ϫⲉ ⲁⲛⲟⲕ ⲁⲛⲅⲟⲩⲣⲱⲙⲉ ⲛⲣⲉϥⲙⲓϣⲉ ⲙⲛ ⲡⲁⲕⲉⲗⲁⲟⲥ ⲁⲩⲱ ⲛϣⲏⲣⲉ ⲛⲁⲙⲙⲱⲛ ⲁⲩⲑⲗⲓⲃⲉ ⲙⲙⲟⲓ ⲉⲙⲁⲧⲉ ⲁⲓⲱϣ ⲉⲃⲟⲗ ⲉⲣⲱⲧⲛ ⲁⲩⲱ ⲙⲡⲉⲧⲛⲧⲟⲩϫⲟⲓ ⲛⲧⲟⲟⲧⲟⲩ</ab>
3 ⲁⲓⲛⲁⲩ ϫⲉ ⲙⲡⲉⲟⲩϫⲁⲓ ⲧⲁϩⲟⲓ ⲁⲓⲕⲱ ⲛⲧⲁⲯⲩⲭⲏ ϩⲛ ⲧⲁϭⲓϫ ⲁⲓⲃⲱⲕ ⲉⲣⲁⲧⲟⲩ ⲛⲛϣⲏⲣⲉ ⲛⲁⲙⲙⲱⲛ ⲁⲡϫⲟⲉⲓⲥ ⲧⲁⲁⲩ ⲉϩⲣⲁⲓ ⲉⲧⲟⲟⲧ ⲁⲩⲱ ⲉⲧⲃⲉ ⲟⲩ ⲁⲧⲉⲧⲛⲉⲓ ⲉϩⲣⲁⲓ ⲉϫⲱⲓ ϩⲙ ⲡⲟⲟⲩ ⲛϩⲟⲟⲩ ⲉⲙⲓϣⲉ ⲛⲙⲙⲁⲓ</ab>
4 ⲁⲩⲱ ⲓⲉⲫⲑⲁⲉ ⲁϥⲥⲟⲩⲱϩ ⲉϩⲟⲩⲛ ⲛⲛⲣⲱⲙⲉ ⲧⲏⲣⲟⲩ ⲛⲅⲁⲗⲁⲁⲇ ⲁⲩⲙⲓϣⲉ ⲙⲛ ⲉⲫⲣⲁⲓⲙ ⲁⲩⲱ ⲛⲣⲱⲙⲉ ⲛⲅⲁⲗⲁⲁⲇ ⲁⲩⲡⲁⲧⲁⲥⲥⲉ ⲛⲉⲫⲣⲁⲓⲙ ⲉⲃⲟⲗ ϫⲉ ⲁⲩϫⲟⲟⲥ ⲛϭⲓ ⲛⲉⲛⲧⲁⲩⲟⲩϫⲁⲓ ϩⲛ ⲉⲫⲣⲁⲓⲙ ϫⲉ ⲛⲧⲱⲧⲛ ⲅⲁⲗⲁⲁⲇ ⲉⲧⲉⲧⲛϩⲛ ⲧⲙⲏⲧⲉ ⲛⲉⲫⲣⲁⲓⲙ ⲁⲩⲱ ϩⲛ ⲧⲙⲏⲧⲉ ⲙⲙⲁⲛⲁⲥⲥⲏ</ab>
5 ⲁⲩⲱ ⲛⲣⲱⲙⲉ ⲛⲅⲁⲗⲁⲁⲇ ⲁⲩϫⲓⲣⲱⲟⲩ ⲛⲙⲙⲁ ⲛϫⲓⲟⲟⲣ ⲙⲡⲓⲟⲣⲇⲁⲛⲏⲥ ⲛⲧⲉⲉⲫⲣⲁⲓⲙ ⲁⲩⲱ ⲛⲉⲧⲧⲟⲩϫⲏⲩ ⲛⲧⲉⲉⲫⲣⲁⲓⲙ ⲡⲉϫⲁⲩ ϫⲉ ⲙⲁⲣⲉⲛϫⲓⲟⲟⲣ ⲡⲉϫⲉⲛⲣⲱⲙⲉ ⲛⲅⲁⲗⲁⲁⲇ ⲛⲁⲩ ϫⲉ ⲙⲏ ⲛⲧⲱⲧⲛ ⲛⲧⲉⲧⲛϩⲉⲛⲉⲃⲟⲗ ϩⲛ ⲉⲫⲣⲁⲓⲙ ⲡⲉϫⲁⲩ ϫⲉ ⲙⲙⲟⲛ</ab>
6 ⲡⲉϫⲁⲩ ⲛⲁⲩ ϫⲉ ⲁϫⲓⲥ ϫⲉ ⲧⲁⲭⲩ ⲁⲩⲱ ⲙⲡⲟⲩⲥⲟⲟⲩⲧⲛ ⲉϣⲁϫⲉ ϩⲓ ⲛⲁⲓ ⲁⲩⲁⲙⲁϩⲧⲉ ⲙⲙⲟⲟⲩ ⲁⲩⲕⲟⲛⲥⲟⲩ ϩⲁⲧⲉ ⲙⲙⲁ ⲛϫⲓⲟⲟⲣ ⲙⲡⲓⲟⲣⲇⲁⲛⲏⲥ ⲁⲩⲱ ⲁⲩϩⲉ ϩⲙ ⲡⲉⲟⲩⲟⲉⲓϣ ⲉⲧⲙⲙⲁⲩ ⲉⲃⲟⲗ ϩⲛ ⲉⲫⲣⲁⲓⲙ ⲛϭⲓ ϥⲧⲟⲟⲩ ⲛⲧⲃⲁ ⲙⲛϫⲟⲩⲱⲧ ⲛϣⲉ</ab>
7 ⲁⲩⲱ ⲓⲉⲫⲑⲁⲉ ⲁϥⲕⲣⲓⲛⲉ ⲙⲡⲓⲥⲣⲁⲏⲗ ⲛⲥⲟ ⲛⲣⲟⲙⲡⲉ ⲁⲩⲱ ⲓⲉⲫⲑⲁⲉ ⲡⲅⲁⲗⲁⲇⲓⲧⲏⲥ ⲁϥⲙⲟⲩ ⲁⲩⲧⲟⲙⲥϥ ϩⲛ ⲧⲉϥⲡⲟⲗⲓⲥ ⲅⲁⲗⲁⲁⲇ</ab>
8 ⲁⲩⲱ ⲙⲛⲛⲥⲱϥ ⲁϥⲕⲣⲓⲛⲉ ⲙⲡⲓⲥⲣⲁⲏⲗ ⲛϭⲓ ⲁⲃⲓⲥⲁ ⲡⲉⲃⲟⲗ ϩⲛ ⲃⲉⲑⲗⲉⲉⲙ</ab>
9 ⲁⲩⲱ ⲛⲉⲩϣⲟⲟⲡ ⲛⲁϥ ⲛϭⲓ ⲙⲁⲁⲃ ⲛϣⲏⲣⲉ ⲙⲛ ⲙⲁⲁⲃ ⲛϣⲉⲉⲣⲉ ⲉⲛⲧⲁϥϫⲟⲟⲩⲥⲟⲩ ⲉⲃⲟⲗ ⲁⲩⲱ ⲕⲉⲙⲁⲁⲃⲉ ⲛϣⲉⲉⲣⲉ ϩⲓⲃⲟⲗ ⲁϥⲛⲧⲟⲩ ⲉϩⲟⲩⲛ ⲛⲛⲉϥϣⲏⲣⲉ ⲁⲩⲱ ⲁϥⲕⲣⲓⲛⲉ ⲙⲡⲓⲥⲣⲁⲏⲗ ⲛⲥⲁϣϥⲉ ⲛⲣⲟⲙⲡⲉ</ab>
10 ⲁϥⲙⲟⲩ ⲇⲉ ⲛϭⲓ ⲁⲃⲓⲥⲁ ⲁⲩⲱ ⲁⲩⲧⲟⲙⲥϥ ϩⲛ ⲃⲏⲑⲗⲉⲉⲙ</ab>
11 ⲁⲩⲱ ⲙⲛⲛⲥⲱϥ ⲁϥⲧⲱⲟⲩⲛ ⲛϭⲓ ⲁⲓⲗⲱⲙ ⲡⲥⲁⲃⲟⲩⲗⲱⲛⲓⲧⲏⲥ ⲁϥⲕⲣⲓⲛⲉ ⲙⲡⲓⲥⲣⲁⲏⲗ ⲙⲙⲏⲧⲉ ⲛⲣⲟⲙⲡⲉ</ab>
12 ⲁⲩⲱ ⲁϥⲙⲟⲩ ⲛϭⲓ ⲁⲓⲗⲱⲙ ⲡⲥⲁⲟⲩⲗⲱⲛⲓⲧⲏⲥ ⲁⲩⲧⲟⲙⲥϥ ϩⲛ ⲁⲓⲗⲉⲓⲙ ϩⲙ ⲡⲕⲁϩ ⲛⲍⲁⲃⲟⲩⲗⲱⲛ</ab>
13 ⲁⲩⲱ ⲙⲛⲛⲥⲱϥ ⲁϥⲕⲣⲓⲛⲉ ⲙⲡⲓⲥⲣⲁⲏⲗ ⲛϭⲓ ⲁⲃⲇⲱⲛ ⲡϣⲏⲣⲉ ⲛⲥⲉⲗⲗⲏⲙ ⲫⲁⲣⲁⲑⲱⲛⲓⲧⲏⲥ</ab>
14 ⲁⲩⲱ ⲛⲉⲩϣⲟⲟⲡ ⲛⲁϥ ⲛϭⲓ ϩⲙⲉ ⲛϣⲏⲣⲉ ⲁⲩⲱ ⲙⲁⲁⲃⲉ ⲛϣⲉⲉⲣⲉ ⲛⲧⲉⲛⲉϥϣⲏⲣⲉ ⲉⲩⲧⲁⲗⲏⲩ ⲉϫⲛ ϣϥⲉ ⲛⲥⲏϭ ⲁⲩⲱ ⲁϥⲕⲣⲓⲛⲉ ⲙⲡⲓⲥⲣⲁⲏⲗ ⲛϣⲙⲟⲩⲛⲉ ⲛⲣⲟⲙⲡⲉ</ab>
15 ⲁϥⲙⲟⲩ ⲇⲉ ⲛϭⲓ ⲁⲃⲇⲱⲛ ⲡϣⲏⲣⲉ ⲛⲥⲉⲗⲗⲏⲙ ⲡⲫⲁⲣⲁⲑⲱⲛⲓⲧⲏⲥ ⲁⲩⲧⲟⲙⲥϥ ϩⲙ ⲫⲁⲣⲁⲑⲱⲙ ϩⲙ ⲡⲕⲁϩ ⲛⲉⲫⲣⲁⲓⲙ ϩⲙ ⲡⲧⲟⲟⲩ ⲛⲗⲁⲛⲁⲕ</ab>