1 ⲁⲩⲱ ⲡϫⲟⲉⲓⲥ ⲁϥϣⲁϫⲉ ⲙⲛ ⲓⲏⲥⲟⲩ ⲉϥϫⲱ ⲙⲙⲟⲥ</ab>
2 ϫⲉ ϣⲁϫⲉ ⲙⲛ ⲛϣⲏⲣⲉ ⲙⲡⲓⲏⲗ ⲉϥϫⲱ ⲙⲙⲟⲥ ϫⲉ ϯ ⲉⲙⲡⲟⲗⲓⲥ ⲛⲉ ⲙⲙⲁ ⲙⲡⲱⲧ ⲉⲣⲟⲟⲩ ⲛⲁⲓ ⲉⲛⲧⲁⲓϫⲟⲟⲥ ⲉⲧⲃⲏⲏⲧⲟⲩ ⲉⲃⲟⲗ ϩⲓ ⲧⲟⲟⲧϥ ⲙⲙⲱⲩⲥⲏⲥ</ab>
3 ⲟⲩⲙⲁ ⲙⲡⲱⲧ ⲉⲣⲟϥ ⲙⲡⲣⲉϥϩⲱⲧⲃ ⲡⲉⲛⲧⲁϥⲣⲱϩⲧ ⲛⲟⲩⲯⲩⲭⲏ ⲉϩⲛⲁϥ ⲁⲛ ⲁⲩⲱ ⲛⲉⲓⲡⲟⲗⲓⲥ ⲉⲩⲉϣⲱⲡⲉ ⲛⲏⲧⲛ ⲙⲙⲁ ⲙⲡⲱⲧ ⲉⲣⲟⲟⲩ</ab>
4 <gap reason=""/>
5 ⲛϥⲧⲙⲙⲟⲩ ⲛϭⲓ ⲡⲉⲧⲛⲁϩⲱⲧⲃ ϩⲁ ⲧϭⲓϫ ⲙⲡⲉⲧϫⲓ ⲉϩⲟⲩⲛ ⲉⲡⲉⲥⲛⲟϥ</ab>
6 ϣⲁⲛⲧⲉϥⲁϩⲉⲣⲁⲧϥ ϩⲓ ⲑⲏ ⲛⲧⲥⲩⲛⲁⲅⲱⲅⲏ ⲉϯϩⲁⲡ ⲉⲣⲟϥ</ab>
7 ⲁⲩⲱ ⲁϥⲡⲱⲣϫ ⲉⲃⲟⲗ ⲛⲕⲁⲧⲏⲥ ϩⲛ ⲧⲅⲁⲗⲓⲗⲁⲓⲁ ⲡⲧⲟⲟⲩ ⲛⲉⲫⲑⲁⲗⲉⲓⲙ ⲁⲩⲱ ⲧⲡⲟⲗⲓⲥ ⲁⲣⲃⲟⲕ ⲉⲧⲉ ⲧⲁⲓ ⲧⲉ ⲭⲉⲃⲣⲱⲛ ϩⲙ ⲡⲧⲟⲟⲩ ⲛⲓⲟⲩⲇⲁ</ab>
8 ⲁⲩⲱ ϩⲙ ⲡⲉⲕⲣⲟ ⲙⲡⲓⲟⲣⲇⲁⲛⲏⲥ ⲁϥϯ ⲛⲧⲡⲟⲗⲓⲥ ⲃⲟⲥⲟⲣ ϩⲛ ⲧⲉⲣⲏⲙⲟⲥ ϩⲛ ⲧⲥⲱϣⲉ ⲉⲃⲟⲗ ϩⲛ ⲧⲉⲫⲩⲗⲏ ⲛϩⲣⲟⲩⲃⲏⲛ ⲁⲩⲱ ⲧⲡⲟⲗⲓⲥ ⲣⲁⲙⲙⲱⲑ ⲛⲧⲉⲅⲁⲗⲁⲁⲧ ⲉⲃⲟⲗ ϩⲛ ⲧⲉⲫⲩⲗⲏ ⲛⲅⲁⲇ ⲁⲩⲱ ⲧⲡⲟⲗⲓⲥ ⲅⲁⲩⲣⲱⲛ ϩⲛ ⲧⲃⲁⲥⲁⲛ ⲉⲃⲟⲗ ϩⲛ ⲧⲉⲫⲩⲗⲏ ⲙⲙⲁⲛⲁⲥⲥⲏ</ab>
9 ⲛⲁⲓ ⲛⲉ ⲙⲡⲟⲗⲓⲥ ⲛⲧⲁⲩϯⲣⲉⲛⲟⲩ ⲉⲣⲟⲟⲩ ⲛϭⲓ ⲛϣⲏⲣⲉ ⲙⲡⲓⲏⲗ ⲁⲩⲱ ⲡⲉⲡⲣⲟⲥⲩⲗⲏⲧⲟⲥ ⲡⲉⲧϣⲟⲟⲡ ϩⲣⲁⲓ ⲛϩⲏⲧⲟⲩ ⲉⲧⲣⲉⲩⲡⲱⲧ ⲉϩⲣⲁⲓ ⲉⲣⲟⲟⲩ ⲛϭⲓ ⲟⲩⲟⲛ ⲛⲓⲙ ⲉⲧⲛⲁⲣⲱϩⲧ ⲛⲟⲩⲯⲩⲭⲏ ⲉϩⲛⲁϥ ⲁⲛ ϫⲉⲕⲁⲥ ⲛⲛⲉϥⲙⲟⲩ ϩⲁ ⲧϭⲓϫ ⲙⲡⲉⲧϫⲓ ⲉϩⲟⲩⲛ ⲉⲡⲉⲥⲛⲟϥ ϣⲁⲛⲧⲉϥⲁϩⲉⲣⲁⲧϥ ⲉⲧⲥⲩⲛⲁⲅⲱⲅⲏ ⲉⲧⲛⲁϯϩⲁⲡ ⲉⲣⲟϥ</ab>