5 ϥⲥϩⲟⲩⲟⲣⲧ ⲛϭⲓ ⲡⲣⲱⲙⲉ ⲉⲧⲉⲣⲉⲧⲉϥϩⲉⲗⲡⲓⲥ ϣⲟⲟⲡ ϩⲓ ⲣⲱⲙⲉ ⲁⲩⲱ ⲉϥⲧⲁϫⲣⲟ ⲛⲧⲥⲁⲣⲝ ⲙⲡⲉϥϭⲃⲟⲓ ⲉϫⲱϥ ⲛϥⲧⲣⲉ ⲡⲉϥϩⲏⲧ ⲣⲓⲕⲉ ⲉⲃⲟⲗ ⲙⲡϫⲟⲉⲓⲥ</ab>
6 ⲡⲁⲓ ⲉϥⲉϣⲱⲡⲉ ⲛⲑⲉ ⲛⲟⲩⲉⲉⲓⲱ ⲛϩⲟⲟⲩⲧ ϩⲓ ⲡϫⲁⲓⲉ ϥⲛⲁⲛⲁⲩ ⲁⲛ ⲉϩⲉⲛⲁⲅⲁⲑⲟⲛ ⲉⲩϣⲁⲛⲉⲓ ⲁⲗⲗⲁ ϥⲛⲁϣⲱⲡⲉ ϩⲛ ϩⲉⲛⲙⲁ ⲉⲩϣⲟⲩϣⲟⲩⲱⲟⲩ ϩⲣⲁⲓ ϩⲙ ⲡϫⲁⲓⲉ ⲉⲟⲩⲕⲁϩ ⲉϥⲙⲟⲗϩ ⲉⲙⲉⲩϣⲱⲡⲉ ⲛϩⲏⲧϥ</ab>
7 ϥⲥⲙⲁⲙⲁⲁⲧ ⲇⲉ ⲛⲧⲟϥ ⲛϭⲓ ⲡⲣⲱⲙⲉ ⲉⲛⲧⲁϥⲕⲁ ϩⲧⲏϥ ⲉⲡϫⲟⲉⲓⲥ ⲁⲩⲱ ⲡϫⲟⲓⲥ ⲛⲁϣⲱⲡⲉ ⲛⲁϥ ⲛϩⲉⲗⲡⲓⲥ</ab>
8 ϥⲛⲁⲣⲑⲉ ⲛⲟⲩϣⲏⲛ ⲉϥⲣⲟⲟⲩⲧ ϩⲓϫⲛ ⲟⲩⲙⲟⲟⲩ ⲁⲩⲱ ϥⲛⲁⲛⲟⲩϫⲉ ⲛⲛⲉϥⲛⲟⲩⲛⲉ ϩⲓϫⲛ ⲟⲩⲁⲧⲃⲉⲥ ⲛϥⲛⲁⲣϩⲟⲧⲉ ⲇⲉ ⲁⲛ ⲉϥϣⲁⲛⲉⲓ ⲉϫⲱϥ ⲛϭⲓ ⲟⲩϣⲁⲣⲃⲁ ⲥⲉⲛⲁϣⲱⲡⲉ ϩⲓϫⲱϥ ⲛϭⲓ ϩⲉⲛϣⲁⲩ ⲉⲩⲟϣ ⲛϭⲱⲃⲉ ⲛϥⲛⲁⲣϩⲟⲧⲉ ⲇⲉ ⲁⲛ ⲉⲣϣⲁⲛⲧⲙ ⲡϩⲟⲩⲙⲡⲉ ⲉⲓ ⲛⲟⲩⲣⲟⲙⲡⲉ ⲁⲩⲱ ⲛⲛⲉϥⲱϫⲛ ⲉϥⲧⲁⲩⲉ ⲕⲁⲣⲡⲟⲥ ⲉⲃⲟⲗ</ab>
9 ⲟⲩϣⲡⲏⲣⲉ ⲡⲉ ⲡⲉϥϩⲏⲧ ⲡⲁⲣⲁ ⲟⲩⲟⲛ ⲛⲓⲙ ⲁⲩⲱ ⲟⲩⲣⲱⲙⲉ ⲡⲉ ⲛⲓⲙ ϭⲉ ⲡⲉⲧⲛⲁⲥⲟⲩⲱⲛϥ</ab>
10 ⲁⲛⲟⲕ ⲡⲉ ⲡϫⲟⲓⲥ ⲉⲧϩⲟⲧϩⲧ ⲛⲛϩⲏⲧ ⲁⲩⲱ ⲉⲧⲇⲟⲕⲓⲙⲁⲍⲉ ⲛⲛⲉϭⲗⲟⲟⲧⲉ ⲉⲧⲣⲁϯ ⲙⲡⲟⲩⲁ ⲡⲟⲩⲁ ⲕⲁⲧⲁ ⲛⲉϥϩⲓⲟⲟⲩⲉ ⲁⲩⲱ ⲕⲁⲧⲁ ⲛⲉϥϩⲓⲟⲟⲩⲉ ⲁⲩⲱ ⲕⲁⲧⲁ ⲡⲕⲁⲣⲡⲟⲥ ⲛⲛⲉϥϩⲃⲏⲩⲉ</ab>
11 ⲡⲡⲉⲣⲇⲓⲝ ⲟⲩϩⲁⲗⲏⲧ ⲡⲉ ⲁϥϯ ⲛⲧⲉϥⲥⲙⲏ ⲁϥⲥⲱⲟⲩϩ ⲉϩⲟⲩⲛ ⲛⲛⲉⲧⲉ ⲙⲡⲉϥϫⲡⲟⲟⲩ <gap reason="lacuna"/></ab>
19 ⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ϫⲉ ⲃⲱⲕ ⲛⲅⲁϩⲉⲣⲁⲧⲕ ϩⲛ ⲙⲡⲩⲗⲏ ⲛⲛϣⲏⲣⲉ ⲙⲡⲉⲕⲗⲁⲟⲥ ⲛⲁⲓ ⲉϣⲁⲩⲃⲱⲕ ⲉϩⲟⲩⲛ ⲛϩⲏⲧⲟⲩ ⲛϭⲓ ⲛⲣⲣⲱⲟⲩ ⲛⲓⲟⲩⲇⲁ ⲉϣⲁⲩⲉⲓ ⲟⲛ ⲉⲃⲟⲗ ⲛϩⲏⲧⲟⲩ ⲛⲅⲁϩⲉⲣⲁⲧⲕ ⲟⲛ ϩⲉⲛ ⲛⲕⲉⲡⲩⲗⲏ ⲧⲏⲣⲟⲩ ⲛⲑ</ab>
20 ⲁⲩⲱ ⲉⲕⲉϫⲟⲟⲥ ⲛⲁⲩ ϫⲉ ⲥⲱⲧⲙ ⲉⲡϣⲁϫⲉ ⲙⲡϫⲟⲉⲓⲥ ⲛⲣⲣⲱⲟⲩ ⲛⲓⲟⲩⲇⲁ ⲙⲛ ϯⲟⲩⲇⲁⲓⲁ ⲧⲏⲣⲥ ⲙⲛⲑ ⲧⲏⲣⲥ ⲛⲉⲧⲛⲏⲩ ⲉϩⲟⲩⲛ ϩⲛ ⲛⲉⲓⲡⲩⲗⲏ</ab>
21 ⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ϫⲉ ϩⲁⲣⲉϩ ⲉⲛⲉⲧⲛⲯⲩⲭⲏ ⲁⲩⲱ ⲙⲡⲣϥⲓ ⲉⲧⲡⲱ ϩⲛ ⲛⲉϩⲟⲟⲩ ⲙⲡⲥⲁⲃⲃⲁⲧⲟⲛ ⲛⲧⲉⲧⲛⲧⲙⲣⲡⲃⲟⲗ ⲛⲙⲡⲏⲗⲏ ⲛⲑ</ab>
22 ⲁⲩⲱ ⲛⲧⲉⲧⲛⲧⲙⲉⲛ ⲉⲧⲡⲱ ⲉⲃⲟⲗ ϩⲛ ⲛⲉⲧⲛⲏⲓ ϩⲙ ⲡⲉϩⲟⲟⲩ ⲙⲡⲥⲁⲃⲃⲁⲧⲟⲛ ⲁⲩⲱ ⲛⲛⲉⲧⲛⲣⲗⲁⲁⲩ ⲛϩⲱⲃ ⲛⲧⲉⲧⲛⲧⲃⲃⲟ ⲙⲡⲉϩⲟⲟⲩ ⲙⲡⲥⲁⲃⲃⲁⲧⲟⲛ ⲕⲁⲧⲁ ⲑⲉ ⲛⲧⲁⲓϩⲱⲛ ⲉⲧⲟⲟⲧⲟⲩ ⲛⲛⲉⲧⲛⲓⲟⲧⲉ ⲁⲩⲱ ⲙⲡⲟⲩⲥⲱⲧⲙ ⲟⲩⲇⲉ ⲙⲡⲟⲩⲣⲓⲕⲉ ⲛⲛⲉⲩⲙⲁⲁϫⲉ</ab>
23 ⲁⲩⲧⲣⲉⲡⲉⲩⲙⲁⲕϩ ⲛϣⲟⲧ ⲛϩⲟⲩⲉ ⲡⲁ ⲛⲉⲩⲉⲓⲟⲧⲉ ⲉⲧⲙⲡⲧⲣⲉⲩⲥⲱⲧⲙ ⲛⲥⲱⲓ ⲁⲩⲱ ⲉⲧⲙⲡⲧⲣⲉⲩϫⲓ ⲛⲧⲥⲃⲱ</ab>
24 ⲁⲩⲱ ⲉⲥⲛⲁϣⲱⲡⲉ ⲉⲧⲉⲧⲛϣⲁⲛⲥⲱⲧⲙ ⲛⲥⲱⲓ ⲡⲉϫⲉⲡϫⲟⲉⲓⲥ ⲉⲧⲙⲡⲧⲣⲉⲧⲉⲧⲛⲉⲓⲛⲉ ⲉϩⲟⲩⲛ ⲛϩⲉⲛⲉⲧⲡⲱ ϩⲓⲧⲛ ⲙⲡⲩⲗⲏ ⲛⲧⲉⲓⲡⲟⲗⲓⲥ ϩⲙ ⲡⲉϩⲟⲟⲩ ⲙⲡⲥⲁⲃⲃⲁⲧⲟⲛ ⲉⲧⲙⲡⲧⲣⲉⲧⲉⲧⲛⲣⲗⲁⲁⲩ ⲛϩⲱⲃ ⲁⲩⲱ ⲛⲧⲉⲧⲛⲧⲃⲃⲟ ⲙⲡⲉϩⲟⲟⲩ ⲛⲛⲥⲁⲃⲃⲁⲧⲟⲛ</ab>
25 ⲉⲩⲉⲉⲓ ⲉϩⲟⲩⲛ ϩⲓⲧⲛ ⲙⲡⲩⲗⲏ ⲛⲧⲉⲓⲡⲟⲗⲓⲥ ⲛϭⲓ ⲛⲣⲣⲱⲟⲩ ⲙⲛ ⲛⲁⲣⲭⲱⲛ ⲉⲩϩⲙⲟⲟⲥ ϩⲓϫⲙ ⲡⲉⲑⲣⲟⲛⲟⲥ ⲛⲇⲁⲩⲉⲓⲇ <gap reason="lacuna"/></ab>