5 ⲁⲩⲱ ⲙⲡⲉ ⲡⲉⲕϩⲏⲧ ⲡⲱⲗϭ ⲉⲃⲟⲗ ⲙⲡⲉⲕⲥⲱⲙⲁ ⲁϥⲧⲁⲙⲓⲉ ϩⲉⲛⲛⲟϭ ⲅⲁⲣ ⲛⲧⲛⲥⲟⲟⲩⲛ ⲁⲛ</ab>
6 ⲡⲉⲧϩⲱⲛ ⲉⲧⲣⲉ ⲡⲉⲭⲓⲱⲛ ϣⲱⲡⲉ ϩⲓϫⲙ ⲡⲕⲁϩ</ab>
7 ϫⲉ ⲉⲣⲉ ⲣⲱⲙⲉ ⲛⲓⲙ ⲉⲓⲙⲉ ⲉⲧⲉϥⲙⲛⲧϭⲱⲃ</ab>
8 ⲁ ⲛⲉⲑⲩⲣⲓⲟⲛ ⲇⲉ ⲃⲱⲕ ⲉϩⲟⲩⲛ ϩⲁ ⲟⲩϩⲁⲓⲃⲉⲥ ⲁⲩⲕⲁⲣⲱⲟⲩ ⲇⲉ ⲉϫⲙ ⲡⲉⲩⲙⲁⲛⲛⲕⲟⲧⲕ</ab>
9 ⲉⲣⲉ ⲛϩⲓⲥⲉ ⲛⲏⲩ ⲉⲃⲟⲗϩⲙ ⲡⲉⲩⲧⲁⲙⲓⲟⲛ ⲉⲣⲉ ⲡⲉϫⲁϥ ⲇⲉ ⲛⲏⲩ ⲉⲃⲟⲗ ⲟⲩⲇⲉ ⲛⲧⲟⲟⲩ</ab>
10 ϥⲣϩⲙⲙⲉ ⲇⲉ ⲙⲡⲙⲟⲟⲩ ⲉⲡⲙⲁ ⲉⲧⲉϥⲟⲩⲁϣϥ</ab>
12 ⲛⲁⲓ ⲭⲏⲕ ⲉⲃⲟⲗ ⲛⲧⲟⲟⲧϥ ϩⲓϫⲙ ⲡⲕⲁϩ</ab>
14 ⲓⲱⲃ ⲥⲱⲧⲙ ⲉⲛⲁⲓ ⲁϩⲉⲣⲁⲧⲕ ϫⲓⲥⲃⲱ ⲉⲧϭⲟⲙ ⲙⲡϫⲟⲉⲓⲥ</ab>
15 ⲧⲛⲥⲟⲟⲩⲛ ϫⲉ ⲁ ⲡϫⲟⲉⲓⲥ ⲕⲁ ⲛⲉϥϩⲃⲏⲩⲉ ⲁϥⲧⲁⲙⲓⲉ ⲡⲟⲩⲟⲉⲓⲛ ⲉⲃⲟⲗϩⲙ ⲡⲕⲁⲕⲉ.</ab>
16 ϥⲥⲟⲟⲩⲛ ⲇⲉ ⲛⲧⲙⲓⲛⲉ ⲛⲛⲉⲕⲗⲟⲟⲗⲉ ϩⲉⲛϣⲡⲏⲣⲉ ⲛⲉ ⲛⲉϩⲧⲟⲡ ⲛⲙⲡⲟⲛⲏⲣⲟⲥ</ab>
17 ⲧⲉⲕⲥⲧⲟⲗⲏ ϩⲏⲙ ⲥϭⲉⲉⲧ ϩⲓϫⲙ ⲡⲕⲁϩ</ab>
19 ⲉⲧⲃⲉ ⲟⲩ ⲇⲉ ⲙⲁⲧⲁⲙⲟⲓ ϫⲉⲓⲉϫⲉ ⲟⲩ ⲛⲁϥ ⲧⲁⲣⲛⲗⲟ ⲉⲛⲟ ⲛϩⲁϩ ⲛϣⲁϫⲉ.</ab>
20 ⲙⲏ ⲟⲩϫⲱⲱⲙⲉ ⲏ ⲟⲩⲕⲣⲁⲙⲙⲁⲧⲉⲩⲥ ⲡⲉⲧⲁϩⲉⲣⲁⲧϥ ⲉⲣⲟⲓ ϫⲉ ⲉⲓⲉⲁϩⲉⲣⲁⲧ ⲧⲁⲧⲣⲉ ⲟⲩⲣⲱⲙⲉ ⲕⲁⲣⲱϥ</ab>
21 ⲙⲏ ⲟⲩⲟⲛ ⲛⲓⲙ ⲛⲁⲛⲁⲩ ⲁⲛ ⲉⲡⲟⲩⲟⲉⲓⲛ ⲛⲑⲉ ⲙⲡⲉⲧϩⲓϫⲛ ⲛⲉⲕⲗⲟⲟⲗⲉ ⲉⲃⲟⲗϩⲓⲧⲟⲟⲧϥ.</ab>
22 ⲛⲉⲕⲗⲟⲟⲗⲉ ⲙⲡⲉⲙϩⲓⲧ ⲉⲧⲧⲣⲉϣⲣⲱϣ ⲉϫⲛ ⲛⲁⲓ ⲇⲉ ⲧⲏⲣⲟⲩ ⲟⲩⲛⲟϭ ⲧⲉ ⲧⲧⲓⲙⲏ ⲙⲛ ⲡⲉⲟⲟⲩ ⲙⲡⲡⲁⲛⲧⲱⲕⲣⲁⲧⲱⲣ</ab>
23 ⲁⲩⲱ ⲛⲧⲛⲛⲁϭⲛ ⲕⲉⲟⲩⲁ ⲁⲛ ⲉϥⲉⲓⲛⲉ ⲛⲧⲉϥϭⲟⲙ ⲡⲉⲧⲕⲣⲓⲛⲉ ϩⲛ ⲟⲩⲙⲉ ⲛⲅⲙⲉⲉⲩⲉ ⲁⲛ ϫⲉ ⲉϥⲥⲱⲧⲙ ⲉⲡⲧⲏⲣϥ</ab>
24 ⲡⲉⲧⲉⲣⲉ ⲛⲣⲱⲙⲉ ⲣϩⲟⲧⲉ ϩⲏⲧϥ ⲥⲉⲛⲁⲣϩⲟⲧⲉ ⲇⲉ ϩⲏⲧϥ ⲛϭⲓ ⲛⲕⲉⲥⲟⲫⲟⲥ ϩⲙ ⲡⲉⲩϩⲏⲧ.</ab>