1 ⲛⲧⲉⲥⲁϣϥⲉ ⲛⲥϩⲓⲙⲉ ⲁⲙⲁϩⲧⲉ ⲛⲟⲩⲣⲱⲙⲉ ⲛⲟⲩⲱⲧ ⲉⲩϫⲱ ⲙⲙⲟⲥ ϫⲉ ⲧⲛⲛⲁⲟⲩⲱⲙ ⲙⲡⲉⲛⲟⲉⲓⲕ ⲁⲩⲱ ⲧⲛⲛⲁϯ ϩⲓⲱⲱⲛ ⲛⲛⲉⲛϩⲟⲓⲧⲉ ⲙⲟⲛⲟⲛ ⲙⲁⲣⲟⲩⲧⲁⲩⲉⲡⲉⲕⲣⲁⲛ ⲉϩⲣⲁⲓ ⲉϫⲱⲛ ϥⲓ ⲙⲡⲉⲛⲛⲟϭⲛⲉϭ</ab>
2 ϩⲙ ⲡⲉϩⲟⲟⲩ ⲇⲉ ⲉⲧⲙⲙⲁⲩ ⲡⲛⲟⲩⲧⲉ ⲛⲁⲟⲩⲱⲛϩ ⲉⲃⲟⲗ ϩⲛ ⲟⲩϣⲟϫⲛⲉ ⲙⲛ ⲟⲩⲉⲟⲟⲩ ϩⲣⲁⲓ ⲉϫⲙ ⲡⲕⲁϩ ⲉϫⲓⲥⲉ ⲁⲩⲱ ⲉϯⲉⲟⲟⲩ ⲙⲡϣⲱϫⲡ ⲙⲡⲓⲏⲗ</ab>
3 ⲁⲩⲱ ⲡϣⲱϫⲡ ⲉⲧⲛⲁϣⲱⲡⲉ ϩⲛ ⲥⲓⲱⲛ ⲁⲩⲱ ⲡⲥⲉⲉⲡⲉ ϩⲛ ⲑⲓⲗⲏⲙ ⲥⲉⲛⲁⲙⲟⲩⲧⲉ ⲉⲣⲟⲟⲩ ϫⲉ ⲛⲉⲧⲟⲩⲁⲁⲃ ⲟⲩⲟⲛ ⲛⲓⲙ ⲉⲛⲧⲁⲩⲥϩⲁⲓⲥⲟⲩ ϩⲙ ⲡϫⲱⲱⲙⲉ ⲉⲡⲱⲛϩ ⲉⲑⲓⲗⲏⲙ</ab>
4 ϫⲉ ⲡϫⲟⲉⲓⲥ ⲛⲁⲉⲓⲱ ⲉⲃⲟⲗ ⲙⲡⲧⲱⲗⲙ ⲛⲛϣⲏⲣⲉ ⲙⲛ ⲛϣⲉⲉⲣⲉ ⲛⲥⲓⲱⲛ ⲁⲩⲱ ϥⲛⲁⲧⲃⲃⲟ ⲙⲡⲉⲥⲛⲟϥ ⲛⲑⲓⲗⲏⲙ ϩⲛ ⲧⲉⲥⲙⲏⲧⲉ ϩⲛ ⲡⲉⲡⲛⲁ ⲛϩⲁⲡ ⲙⲛ ⲟⲩⲡⲛⲁ ⲛⲣⲱⲕϩ</ab>
5 ⲁⲩⲱ ϥⲛⲏⲩ ⲛⲧⲉⲙⲁ ⲛⲓⲙ ⲙⲡⲧⲟⲟⲩ ⲛⲥⲓⲱⲛ ⲁⲩⲱ ⲡⲉⲥⲕⲱⲧⲉ ⲧⲏⲣϥ ⲣϩⲁⲓⲃⲉⲥ ϩⲛ ⲟⲩⲕⲗⲟⲟⲗⲉ ⲙⲡⲉϩⲟⲟⲩ ⲁⲩⲱ ⲛⲑⲉ ⲙⲡⲉⲓⲛⲉ ⲛⲟⲩⲕⲁⲡⲛⲟⲥ ⲙⲛ ⲟⲩⲟⲉⲓⲛ ⲛⲕⲱϩⲧ ⲉϥϫⲉⲣⲟ ⲛⲧⲉⲩϣⲏ ⲛϥⲣϩⲁⲓⲃⲉⲥ ⲉⲡⲕⲁϩ ⲧⲏⲣϥ</ab>
6 ⲛϥϣⲱⲡⲉ ⲛϩⲁⲓⲃⲉⲥ ⲉⲃⲟⲗ ϩⲛ ⲟⲩⲕⲁⲩⲙⲁ ⲁⲩⲱ ⲛⲃⲱϩⲛ ⲁⲩⲱ ⲛϩⲱⲡ ⲉⲃⲟⲗ ϩⲛ ⲟⲩⲛϣⲟⲧ ⲙⲛ ⲟⲩϩⲱⲟⲩ</ab>