1 ϩⲙ ⲡⲉⲩⲟⲉⲓϣ ⲉⲧⲙⲙⲁⲩ ⲁϥϫⲟⲟⲩ ⲛϭⲓ ⲙⲁⲅⲱⲧⲁⲭ ⲡϣⲏⲣⲉ ⲛⲗⲁⲁⲇⲁⲛ ⲡⲣⲣⲟ ⲛⲧⲃⲁⲃⲩⲗⲱⲛⲓⲁ ⲛϩⲉⲛⲉⲡⲓⲥⲧⲟⲗⲏ ⲙⲛ ϩⲉⲛⲃⲁⲓϣⲓⲛⲉ ⲙⲛ ϩⲉⲛⲇⲱⲣⲟⲛ ⲛⲉⲍⲉⲕⲓⲁⲥ ⲁϥⲥⲱⲧⲙ ⲅⲁⲣ ϫⲉ ⲁϥⲗⲟϫⲗⲉϫ ϣⲁ ⲡⲙⲟⲩ ⲁⲩⲱ ⲁϥⲧⲱⲟⲩⲛ</ab>
2 ⲁϥⲣⲁϣⲉ ⲉϩⲣⲁⲓ ⲉϫⲱⲟⲩ ⲛϭⲓ ⲉⲍⲉⲕⲓⲁⲥ ϩⲛ ⲟⲩⲛⲟϭ ⲛⲣⲁϣⲉ ⲁⲩⲱ ⲁϥⲧⲟⲩⲟⲟⲩ ⲉⲡⲏⲓ ⲛⲧⲉ ⲡⲛⲉⲭⲱⲑⲁ ⲙⲛ ⲧⲉⲥⲧⲁⲕⲧⲏ ⲙⲛ ⲡϣⲟⲩϩⲏⲛⲉ ⲙⲛ ⲡⲥⲟϭⲛ ⲙⲛ ⲡϩⲁⲧ ⲙⲛ ⲡⲛⲟⲩⲃ ⲙⲛ ⲛⲏⲓ ⲧⲏⲣⲟⲩ ⲛⲛⲉϩⲛⲁⲁⲩ ⲛⲛⲉⲭⲣⲏⲙⲁ ⲁⲩⲱ ⲛⲕⲁ ⲛⲓⲙ ⲉⲧϩⲛ ⲛⲉϥⲁϩⲱⲱⲣ ⲁⲩⲱ ⲛⲉⲙⲛⲗⲁⲁⲩ ⲉⲙⲡⲉⲉⲍⲉⲕⲓⲁⲥ ⲧⲟⲩⲟⲟⲩ ⲉⲣⲟⲟⲩ ϩⲣⲁⲓ ϩⲙ ⲡⲉϥⲏⲓ</ab>
3 ⲁⲩⲱ ⲁϥⲉⲓ ⲛϭⲓ ⲏⲥⲁⲓⲁⲥ ⲡⲉⲡⲣⲟⲫⲏⲧⲏⲥ ϣⲁ ⲉⲍⲉⲕⲓⲁⲥ ⲡⲣⲣⲟ ⲡⲉϫⲁϥ ⲛⲁϥ ϫⲉ ⲉⲣⲉⲛⲉⲓⲣⲱⲙⲉ ϫⲱ ⲙⲙⲟⲥ ϫⲉ ⲟⲩ ⲁⲩⲱ ⲛⲧⲁⲩⲉⲓ ⲉⲧⲱⲛ ⲉⲣⲁⲧⲕ ⲁⲩⲱ ⲡⲉϫⲉⲉⲍⲉⲕⲓⲁⲥ ϫⲉ ⲛⲧⲁⲩⲉⲓ ⲉⲃⲟⲗ ϩⲛ ⲟⲩⲕⲁϩ ⲉϥⲟⲩⲏⲩ ⲉⲣⲁⲧ ⲉⲃⲟⲗ ϩⲉⲛ ⲧⲃⲁⲃⲩⲗⲱⲛ</ab>
4 ⲁⲩⲱ ⲡⲉϫⲉⲏⲥⲁⲓⲁⲥ ϫⲉ ⲛⲧⲁⲩⲛⲁⲩ ⲉⲟⲩ ϩⲙ ⲡⲉⲕⲏⲓ ⲁⲩⲱ ⲡⲉϫⲉⲉⲍⲉⲕⲓⲁⲥ ϫⲉ ⲛⲧⲁⲩⲛⲁⲩ ⲉⲛⲕⲁ ⲛⲓⲙ ⲉⲧϩⲙ ⲡⲁⲏⲓ ⲁⲩⲱ ⲙⲛⲗⲁⲁⲩ ϩⲙ ⲡⲁⲏⲓ ⲉⲙⲡⲟⲩⲛⲁⲩ ⲉⲣⲟϥ ⲁⲗⲗⲁ ⲉⲛⲕⲟⲟⲩⲉ ⲉⲧϩⲛ ⲛⲁⲁϩⲱⲱⲣ</ab>
5 ⲁⲩⲱ ⲡⲉϫⲉⲏⲥⲁⲓⲁⲥ ϫⲉ ⲥⲱⲧⲙ ⲉⲡϣⲁϫⲉ ⲙⲡϫⲟⲉⲓⲥ ⲥⲁⲃⲁⲱⲑ</ab>
6 ⲉⲓⲥ ϩⲏⲏⲧⲉ ⲟⲩⲛϩⲉⲛϩⲟⲟⲩ ⲛⲏⲩ ⲛⲥⲉϫⲓ ⲛⲛⲕⲁ ⲛⲓⲙ ⲉⲧϩⲙ ⲡⲉⲕⲏⲓ ⲙⲛ ⲛⲉⲛⲧⲁⲛⲉⲕⲉⲓⲟⲧⲉ ⲥⲟⲟⲩϩⲟⲩ ⲉϩⲟⲩⲛ ϣⲁ ⲡⲟⲟⲩ ⲛϩⲟⲟⲩ ⲛⲥⲉⲉⲛⲧⲟⲩ ⲉⲧⲃⲁⲃⲩⲗⲱⲛ ⲁⲩⲱ ⲛⲥⲉⲧⲙⲕⲁⲗⲁⲁⲩ ⲁⲡⲛⲟⲩⲧⲉ ⲇⲉ ϫⲟⲟⲥ</ab>
7 ϫⲉ ⲥⲉⲛⲁϫⲓϩⲉⲛ ⲛⲉⲕϣⲏⲣⲉ ⲛⲧⲁⲕϫⲡⲟⲟⲩ ⲛⲥⲉⲁⲁⲩ ⲛⲥⲓⲟⲩⲣ ϩⲙ ⲡⲏⲓ ⲙⲡⲣⲣⲟ ⲛⲧⲃⲁⲃⲩⲗⲱⲛ</ab>
8 ⲁⲩⲱ ⲡⲉϫⲉⲉⲍⲉⲕⲓⲁⲥ ⲛⲏⲥⲁⲓⲁⲥ ϫⲉ ⲛⲁⲛⲟⲩⲡϣⲁϫⲉ ⲛⲧⲁⲡϫⲟⲉⲓⲥ ϫⲟⲟϥ ⲙⲁⲣⲉⲟⲩⲉⲓⲣⲏⲛⲏ ⲙⲛ ⲟⲩⲇⲓⲕⲁⲓⲟⲥⲩⲛⲏ ϣⲱⲡⲉ ϩⲛ ⲛⲁϩⲟⲟⲩ</ab>