1 ϩⲙ ⲡⲉϩⲟⲟⲩ ⲉⲧⲙⲙⲁⲩ ⲡⲛⲟⲩⲧⲉ ⲛⲁⲉⲓⲛⲉ ⲛⲧⲥⲏⲃⲉ ⲛⲛⲟϭ ⲉⲧⲟⲩⲁⲁⲃ ⲁⲩⲱ ⲉⲧϫⲟⲟⲣ ⲉϫⲙ ⲡⲉⲇⲣⲁⲕⲱⲛ ⲡϩⲟϥ ⲉⲧϭⲟⲟⲙⲉ ⲁⲩⲱ ϥⲛⲁⲙⲟⲩⲟⲩⲧ ⲙⲡⲉⲇⲣⲁⲕⲱⲛ</ab>
2 ⲙⲡⲉϩⲟⲟⲩ ⲉⲧⲙⲙⲁⲩ ⲟⲩⲟⲩⲱϣ ⲡⲉ ⲟⲩⲙⲁ ⲛⲉⲗⲟⲟⲗⲉ ⲉⲛⲁⲛⲟⲩϥ ⲉⲣϣⲟⲣⲡ ⲉϫⲱϥ</ab>
3 ⲁⲛⲟⲕ ⲁⲛⲅⲟⲩⲡⲟⲗⲓⲥ ⲉⲥϫⲟⲥⲉ ⲟⲩⲡⲟⲗⲓⲥ ⲉⲩⲕⲱⲧⲉ ⲉⲣⲟⲥ ⲉⲓⲛⲁⲧⲥⲟⲥ ⲉⲡϫⲓⲛϫⲏ ⲥⲛⲁⲧⲁⲕⲟ ⲅⲁⲣ ϩⲛ ⲧⲉⲩϣⲏ ⲁⲩⲱ ⲥⲛⲁϩⲉ ⲟⲛ ϩⲙ ⲡⲉϩⲟⲟⲩ</ab>
4 ⲙⲙⲛⲥⲟⲃⲧ ϣⲟⲟⲡ ⲙⲡⲉϥⲁⲙⲁϩⲧⲉ ⲙⲙⲟⲥ ⲛⲓⲙ ⲡⲉⲧⲛⲁⲕⲁⲁⲧ ⲉϩⲁⲣⲉϩ ⲉⲩⲣⲟⲟⲩⲉ ϩⲛ ⲧⲥⲱϣⲉ ⲉⲧⲃⲉ ⲧⲉⲓⲣⲉϥⲙⲓϣⲉ ⲁⲓⲁⲑⲉⲧⲉⲓ ⲛⲁϥ ⲉⲧⲃⲉ ⲡⲁⲓ ⲛⲧⲟⲟⲩⲛ ⲁⲡϫⲟⲉⲓⲥ ⲣϩⲱⲃ ⲛⲓⲙ ⲉⲛⲧⲁϥⲟⲩⲁϣⲟⲩ</ab>
5 ⲛⲉⲧⲟⲩⲏϩ ⲛϩⲏⲧⲥ ⲛⲁϫⲓϣⲕⲁⲕ ⲉⲃⲟⲗ ϫⲉ ⲁⲓⲣⲱⲕϩ ⲙⲁⲣⲛⲉⲓⲣⲉ ⲛⲟⲩⲉⲓⲣⲏⲛⲏ ⲛϩⲏⲧϥ ⲛⲉⲧⲛⲏⲩ ⲙⲁⲣⲉⲛⲉⲓⲣⲉ ⲛⲟⲩⲉⲓⲣⲏⲛⲏ</ab>
6 ⲛϣⲏⲣⲉ ⲛⲓⲁⲕⲱⲃ ϯ ⲛⲧⲉⲧⲛ ϯⲟⲩⲱ ⲉⲃⲟⲗ ⲁⲩⲱ ⲡⲓⲥⲣⲁⲏⲗ ⲛⲁϯⲟⲩⲱ ⲁⲩⲱ ⲧⲟⲓⲕⲟⲩⲙⲉⲛⲏ ⲛⲁⲙⲟⲩϩ ϩⲙ ⲡⲉϥⲕⲁⲣⲡⲟⲥ</ab>
7 ⲙⲏ ⲛⲑⲉ ⲛⲧⲟϥ ⲛⲧⲁϥϣⲁⲁⲣⲉ ⲥⲉⲛⲁϣⲟⲟϭϥ ϩⲱⲱϥ ⲛⲧⲉⲓϩⲉ ⲁⲩⲱ ⲛⲑⲉ ⲛⲧⲁϥⲙⲟⲟⲩⲧ ⲥⲉⲛⲁⲙⲟⲟⲩⲧϥ ϩⲱⲱϥ ⲛⲧⲉⲓϩⲉ</ab>
8 ϥⲛⲁϫⲟⲟⲩⲥⲉ ⲉϥⲙⲓϣⲉ ⲁⲩⲱ ⲉϥⲛⲟϭⲛⲉϭ ⲛⲧⲟⲕ ⲁⲛ ⲡⲉ ⲉⲛⲉⲕⲙⲉⲗⲉⲧⲁ ⲙⲡϣⲁϫⲉ ⲉⲧⲛⲁϣⲧ ⲁϥⲙⲟⲟⲩⲧⲟⲩ ϩⲙ ⲡⲉⲡⲛⲉⲩⲙⲁ ⲙⲡⲉϥϭⲱⲛⲧ</ab>
9 ⲉⲧⲃⲉ ⲡⲁⲓ ⲥⲉⲛⲁϥⲓ ⲛⲧⲁⲛⲟⲙⲓⲁ ⲉⲃⲟⲗ ϩⲛ ⲓⲁⲕⲱⲃ ⲁⲩⲱ ⲡⲁⲓ ⲡⲉ ⲡⲉϥⲥⲙⲟⲩ ⲉⲓϣⲁⲛϥⲓ ⲙⲡⲉϥⲛⲟⲃⲉ ϩⲟⲧⲁⲛ ⲉⲩϣⲁⲛⲕⲱ ⲛⲛⲱⲛⲉ ⲛⲛⲉⲩϣⲏⲩⲉ ⲉⲩⲟ ⲛϣⲏⲙ ϣⲏⲙ ⲛⲑⲉ ⲛⲟⲩⲕⲟⲛⲓⲁ ⲉϥⲧⲛⲛⲏⲩ ⲁⲩⲱ ⲛⲥⲉⲧⲙϭⲱ ⲛϭⲓ ⲛⲉⲩϣⲏⲛ ⲙⲛ ⲛⲉⲩⲉⲓⲇⲱⲗⲟⲛ ⲉⲩϣⲁⲁⲧ ⲛⲑⲉ ⲛⲟⲩⲙⲁ ⲛϣⲏⲛ</ab>
10 ⲡⲟϩⲉ ⲉⲧϭⲟⲣϭ ⲙⲡⲟⲩⲉ ϥⲛⲁϣⲱⲡⲉ ⲉϥⲕⲏ ⲉⲃⲟⲗ ⲛⲑⲉ ⲛⲟⲩⲟϩⲉ ⲉⲁⲩⲕⲁⲁϥ ⲉⲃⲟⲗ ⲁⲩⲱ ϥⲛⲁϣⲱⲡⲉ ⲉⲩⲙⲁ ⲙⲙⲟⲟⲛⲉ ⲉⲩⲛⲟϭ ⲛⲟⲩⲟⲉⲓϣ ⲁⲩⲱ ⲥⲉⲛⲁⲙⲧⲟⲛ ⲙⲙⲟⲟⲩ</ab>
11 ⲁⲩⲱ ⲙⲛⲛⲥⲁ ⲟⲩⲟⲉⲓϣ ⲙⲛⲗⲁⲁⲩ ⲉϥⲟⲩⲉⲧⲟⲩⲱⲧ ⲛⲁϣⲱⲡⲉ ⲛϩⲏⲧⲥ ϫⲉ ⲁⲥϣⲟⲟⲩⲉ ⲁⲙⲏⲓⲛ ⲛⲉϩⲓⲟⲙⲉ ⲉⲧⲛⲏⲩ ϩⲛ ⲟⲩⲛⲁⲩ ⲛⲟⲩⲗⲁⲟⲥ ⲅⲁⲣ ⲁⲛ ⲡⲉ ⲉⲩⲟⲩⲛⲧϥ ⲧⲙⲛⲧⲣⲙⲛϩⲏⲧ ⲉⲧⲃⲉ ⲡⲁⲓ ⲛⲛⲉⲡⲉⲛⲧⲁϥⲧⲁⲙⲓⲟⲟⲩ ϣⲛϩⲧⲏϥ ⲉϫⲱⲟⲩ ⲁⲩⲱ ⲛⲛⲉϥⲛⲁ ⲛⲁⲩ ⲛϭⲓ ⲡⲉⲛⲧⲁϥⲡⲗⲁⲥⲥⲉ ⲙⲙⲟⲟⲩ</ab>
12 ⲁⲩⲱ ⲥⲛⲁϣⲱⲡⲉ ϩⲙ ⲡⲉϩⲟⲟⲩ ⲉⲧⲙⲙⲁⲩ ⲡϫⲟⲉⲓⲥ ⲛⲁϯϣⲧⲟⲣⲧⲣ ϫⲓⲛ ⲙⲡⲓⲟⲟⲣ ⲙⲡⲓⲉⲣⲟ ϣⲁ ϩⲣⲁⲓ ⲉϩⲣⲓ ⲛⲟⲩⲕⲟⲩⲣⲟⲩⲣⲁ ⲛⲧⲱⲧⲛ ⲇⲉ ⲥⲱⲟⲩϩ ⲛϣⲏⲣⲉ ⲙⲡⲓⲥⲣⲁⲏⲗ ⲟⲩⲁ ⲟⲩⲁ</ab>
13 ⲁⲩⲱ ⲥⲛⲁϣⲱⲡⲉ ϩⲙ ⲡⲉϩⲟⲟⲩ ⲉⲧⲙⲙⲁⲩ ⲥⲉⲛⲁⲥⲁⲗⲡⲓⲍⲉ ⲛⲧⲛⲟϭ ⲛⲥⲁⲗⲡⲓⲅⲝ ⲁⲩⲱ ⲥⲉⲛⲏⲩ ⲛϭⲓ ϩⲉⲛⲗⲁⲟⲥ ⲉⲩⲟϣ ⲛⲉⲛⲧⲁⲩⲥⲱⲣⲙ ϩⲛ ⲧⲉⲭⲱⲣⲁ ⲛⲛⲁⲥⲥⲩⲣⲓⲟⲥ ⲙⲛ ⲛⲉⲛⲧⲁⲩⲥⲱⲣⲙ ϩⲛ ⲕⲏⲙⲉ ⲁⲩⲱ ⲥⲉⲛⲁⲟⲩⲱϣⲧ ⲙⲡϫⲟⲉⲓⲥ ϩⲓϫⲙ ⲡⲧⲟⲟⲩ ⲛⲥⲓⲱⲛ ⲡⲉⲧⲟⲩⲁⲁⲃ ϩⲛ ⲑⲓⲉⲣⲟⲩⲥⲁⲗⲏⲙ</ab>