1 ⲙⲱⲩⲥⲏⲥ ⲇⲉ ⲁϥⲡⲱⲧ ⲉϩⲣⲁⲓ ⲉϫⲛ ⲁⲣⲁⲙⲱⲑ ⲛⲧⲉ ⲙⲱⲁⲃ ⲉϫⲛ ⲡⲧⲟⲟⲩ ⲛⲁⲃⲁⲩ ⲉϫⲛ ⲡⲕⲟⲟϩ ⲛⲫⲁⲥⲅⲁ ⲉⲧⲛⲡⲉⲙⲧⲟ ⲉⲃⲟⲗ ⲛϩⲓⲉⲣⲓⲭⲱ ⲁⲩⲱ ⲡϫⲟⲉⲓⲥ ⲁϥⲧⲟⲩⲟϥ ⲉⲡⲕⲁϩ ⲧⲏⲣϥ ⲛⲅⲁⲗⲁⲁⲇ ϣⲁϩⲣⲁⲓ ⲉⲇⲁⲛ</ab>
2 ⲁⲩⲱ ⲡⲕⲁϩ ⲧⲏⲣϥ ⲛⲛⲉⲡⲑⲁⲗⲉⲓⲙ ⲙⲛ ⲡⲕⲁϩ ⲛⲉⲫⲣⲁⲓⲙ ⲙⲛ ⲙⲁⲛⲁⲥⲥⲏ ⲁⲩⲱ ⲡⲕⲁϩ ⲧⲏⲣϥ ⲛⲓⲟⲩⲇⲁ ϣⲁ ⲧⲉⲑⲁⲗⲗⲁⲥⲁ ⲛϩⲁⲏ</ab>
3 ⲛⲙ ⲧⲉⲣⲏⲙⲟⲥ ⲙⲛ ⲡⲕⲱⲧⲉ ⲛϩⲓⲉⲣⲓⲭⲱ ⲧⲡⲟⲗⲓⲥ ⲛⲣⲣⲙ ⲛⲧⲉⲫⲟⲓⲛⲓⲕⲏ ϣⲁϩⲣⲁⲓ ⲉⲥⲏⲅⲱⲣ</ab>
4 ⲡⲉϫⲉⲡϫⲟⲉⲓⲥ ⲇⲉ ⲙⲙⲱⲩⲥⲏⲥ ϫⲉ ⲡⲁⲓ ⲡⲉ ⲕⲁϩ ⲉⲛⲧⲁⲓⲱⲣⲕ ⲉⲧⲃⲏⲏⲧϥ ⲛⲁⲃⲣⲁϩⲁⲙ ⲙⲛ ⲓⲥⲁⲕ ⲙⲛ ⲓⲁⲕⲱⲃ ⲉⲓϫⲱ ⲙⲙⲟⲥ ⲛⲁⲩ ϫⲉ ϯⲛⲁⲧⲁⲁϥ ⲙⲡⲉⲧⲛⲥⲡⲉⲣⲙⲁ ⲁⲓⲧⲣⲉⲛⲉⲕⲃⲁⲗ ⲛⲁⲩ ⲉⲣⲟϥ ⲛⲅⲛⲁⲃⲱⲕ ⲇⲉ ⲉϩⲟⲩⲛ ⲉⲣⲟϥ ⲁⲛ</ab>
5 ⲁⲩⲱ ⲁϥⲙⲟⲩ ϩⲛ ⲡⲙⲁ ⲉⲧⲙⲙⲁⲩ ⲛϭⲓ ⲙⲱⲩⲥⲏⲥ ⲡϩⲙϩⲁⲗ ⲛⲡϫⲟⲉⲓⲥ ϩⲛ ⲡⲕⲁϩ ⲙⲙⲱⲁⲃ ϩⲓⲧⲛ ⲡϣⲁϫⲉ ⲛⲡϫⲟⲉⲓⲥ</ab>
6 ⲁⲩⲱ ⲁⲩⲧⲟⲙⲥϥ ϩⲛ ⲅⲁⲓ ϩⲓⲧⲟⲩⲛ ⲡⲏⲓ ⲙⲫⲟⲅⲱⲣ ⲁⲩⲱ ⲙⲛⲗⲁⲁⲩ ⲥⲟⲟⲩⲛ ⲛⲧⲉϥⲕⲁⲓⲥⲉ ϣⲁϩⲣⲁⲓ ⲉⲡⲟⲟⲩ</ab>
7 ⲙⲱⲩⲥⲏⲥ ⲇⲉ ⲛⲉϥϩⲛϣⲉ ϫⲟⲩⲱⲧⲉ ⲛⲣⲟⲙⲡⲉ ⲛⲧⲉⲣⲉϥⲙⲟⲩ ⲁⲩⲱ ⲛⲉϥⲃⲁⲗ ⲙⲡⲟⲩⲣϩⲗⲟⲥⲧⲛ ⲟⲩⲧⲉ ⲙⲡⲟⲩⲧⲁⲕⲟ</ab>
8 ⲁⲩⲱ ⲛϣⲏⲣⲉ ⲙⲡ ⲁⲩⲣⲓⲙⲉ ⲙⲙⲱⲩⲥⲏⲥ ϩⲛ ⲁⲣⲁⲃⲱⲑ ⲛⲧⲉ ⲙⲱⲁⲃ ϩⲓϫⲛ ⲡⲓⲟⲣⲇⲁⲛⲏⲥ ⲙⲡⲉⲙⲧⲟ ⲉⲃⲟⲗ ⲛϩⲓⲉⲣⲓⲭⲱ ⲙⲁⲁⲃ ⲛϩⲟⲟⲩ ⲛⲧⲉⲣⲟⲩϫⲱⲕ ⲇⲉ ⲉⲃⲟⲗ ⲛϭⲓ ⲛⲉϩⲟⲟⲩ ⲙⲫⲏⲃⲉ ⲙⲛ ⲡⲣⲓⲙⲉ ⲙⲙⲱⲩⲥⲏⲥ,</ab>
9 ⲁⲩⲱ ⲓⲏⲥⲟⲩⲥ ⲡϣⲏⲣⲉ ⲛⲛⲁⲩⲏ ⲁϥⲙⲟⲩϩ ⲙ ⲙⲙⲛⲧⲣⲙⲛϩⲏⲧ ⲁⲙⲱⲩⲥⲏⲥ ⲅⲁⲣ ⲕⲁⲧⲟⲟⲧϥ ϩⲓϫⲱϥ ⲁⲩⲱ ⲁⲩⲥⲱⲧⲙ ⲛⲥⲱϥ ⲛϭⲓ ⲛϣⲏⲣⲉ ⲙⲡ ⲉⲁⲩⲉⲓⲣⲉ ⲕⲁⲧⲁ ⲑⲉ ⲉⲛⲧⲁⲡϫⲟⲉⲓⲥ ϩⲱⲛ ⲉⲧⲟⲟⲧϥ ⲙⲙⲱⲩⲥⲏⲥ</ab>
10 ⲁⲩⲱ ⲙⲡⲉⲕⲉⲡⲣⲟⲫⲏⲧⲏⲥ ⲧⲱⲟⲩⲛ ϩⲙ ⲡ ⲛⲑⲉ ⲙⲙⲱⲩⲥⲏⲥ ⲉⲁⲡϫⲟⲉⲓⲥ ⲥⲟⲩⲱⲛϥ ⲛϩⲟ ϩⲓϩⲟ</ab>
11 ϩⲛ ϩⲉⲛⲙⲁⲉⲓⲛ ⲧⲏⲣⲟⲩ ⲙⲛ ϩⲉⲛϣⲡⲏⲣⲉ ⲡⲁⲓ ⲉⲛⲧⲁⲡϫⲟⲉⲓⲥ ϫⲟⲟⲩϥ ⲉⲧⲣⲉϥⲁⲁⲩ ϩⲛ ⲡⲕⲁϩ ⲛⲕⲏⲙⲉ ϩⲛ ⲫⲁⲣⲁⲱ ⲙⲛ ⲛⲉϥϩⲙϩⲁⲗ ⲧⲏⲣⲟⲩ ⲙⲛ ⲡⲉϥⲕⲁϩ</ab>
12 ⲛⲛⲟϭ ⲛϣⲡⲏⲣⲉ ⲁⲩⲱ ⲧϭⲓϫ ⲉⲧϫⲟⲟⲣ ⲉⲛⲧⲁⲙⲱⲩⲥⲏⲥ ⲁⲁⲩ ⲙⲡⲉⲙⲧⲟ ⲉⲃⲟⲗ ⲙⲡ ⲧⲏⲣϥ</ab>