1 སཪྻྭཱན྄ དྭེཥཱན྄ སཪྻྭཱཾཤྩ ཚལཱན྄ ཀཱཔཊྱཱནཱིརྵྱཱཿ སམསྟགླཱནིཀཐཱཤྩ དཱུརཱིཀྲྀཏྱ
2 ཡུཥྨཱབྷིཿ པརིཏྲཱཎཱཡ ཝྲྀདྡྷིཔྲཱཔྟྱརྠཾ ནཝཛཱཏཤིཤུབྷིརིཝ པྲཀྲྀཏཾ ཝཱགྡུགྡྷཾ པིཔཱསྱཏཱཾ།
3 ཡཏཿ པྲབྷུ རྨདྷུར ཨེཏསྱཱསྭཱདཾ ཡཱུཡཾ པྲཱཔྟཝནྟཿ།
4 ཨཔརཾ མཱནུཥཻརཝཛྙཱཏསྱ ཀིནྟྭཱིཤྭརེཎཱབྷིརུཙིཏསྱ བཧུམཱུལྱསྱ ཛཱིཝཏྤྲསྟརསྱེཝ ཏསྱ པྲབྷོཿ སནྣིདྷིམ྄ ཨཱགཏཱ
5 ཡཱུཡམཔི ཛཱིཝཏྤྲསྟརཱ ཨིཝ ནིཙཱིཡམཱནཱ ཨཱཏྨིཀམནྡིརཾ ཁྲཱིཥྚེན ཡཱིཤུནཱ ཙེཤྭརཏོཥཀཱཎཱམ྄ ཨཱཏྨིཀབལཱིནཱཾ དཱནཱརྠཾ པཝིཏྲོ ཡཱཛཀཝརྒོ བྷཝཐ།
6 ཡཏཿ ཤཱསྟྲེ ལིཁིཏམཱསྟེ, ཡཐཱ, པཤྱ པཱཥཱཎ ཨེཀོ ྅སྟི སཱིཡོནི སྠཱཔིཏོ མཡཱ། མུཁྱཀོཎསྱ ཡོགྱཿ ས ཝྲྀཏཤྩཱཏཱིཝ མཱུལྱཝཱན྄། ཡོ ཛནོ ཝིཤྭསེཏ྄ ཏསྨིན྄ ས ལཛྫཱཾ ན གམིཥྱཏི།
7 ཝིཤྭཱསིནཱཾ ཡུཥྨཱཀམེཝ སམཱིཔེ ས མཱུལྱཝཱན྄ བྷཝཏི ཀིནྟྭཝིཤྭཱསིནཱཾ ཀྲྀཏེ ནིཙེཏྲྀབྷིརཝཛྙཱཏཿ ས པཱཥཱཎཿ ཀོཎསྱ བྷིཏྟིམཱུལཾ བྷཱུཏྭཱ བཱདྷཱཛནཀཿ པཱཥཱཎཿ སྑལནཀཱརཀཤྩ ཤཻལོ ཛཱཏཿ།
8 ཏེ ཙཱཝིཤྭཱསཱད྄ ཝཱཀྱེན སྑལནྟི སྑལནེ ཙ ནིཡུཀྟཱཿ སནྟི།
9 ཀིནྟུ ཡཱུཡཾ ཡེནཱནྡྷཀཱརམདྷྱཱཏ྄ སྭཀཱིཡཱཤྩཪྻྱདཱིཔྟིམདྷྱམ྄ ཨཱཧཱུཏཱསྟསྱ གུཎཱན྄ པྲཀཱཤཡིཏུམ྄ ཨབྷིརུཙིཏོ ཝཾཤོ རཱཛཀཱིཡོ ཡཱཛཀཝརྒཿ པཝིཏྲཱ ཛཱཏིརདྷིཀརྟྟཝྱཱཿ པྲཛཱཤྩ ཛཱཏཱཿ།
10 པཱུཪྻྭཾ ཡཱུཡཾ ཏསྱ པྲཛཱ ནཱབྷཝཏ ཀིནྟྭིདཱནཱིམ྄ ཨཱིཤྭརསྱ པྲཛཱ ཨཱདྷྭེ། པཱུཪྻྭམ྄ ཨནནུཀམྤིཏཱ ཨབྷཝཏ ཀིནྟྭིདཱནཱིམ྄ ཨནུཀམྤིཏཱ ཨཱདྷྭེ།
11 ཧེ པྲིཡཏམཱཿ, ཡཱུཡཾ པྲཝཱསིནོ ཝིདེཤིནཤྩ ལོཀཱ ཨིཝ མནསཿ པྲཱཏིཀཱུལྱེན ཡོདྷིབྷྱཿ ཤཱརཱིརིཀསུཁཱབྷིལཱཥེབྷྱོ ནིཝརྟྟདྷྭམ྄ ཨིཏྱཧཾ ཝིནཡེ།
12 དེཝཔཱུཛཀཱནཱཾ མདྷྱེ ཡུཥྨཱཀམ྄ ཨཱཙཱར ཨེཝམ྄ ཨུཏྟམོ བྷཝཏུ ཡཐཱ ཏེ ཡུཥྨཱན྄ དུཥྐརྨྨཀཱརིལོཀཱནིཝ པུན རྣ ནིནྡནྟཿ ཀྲྀཔཱདྲྀཥྚིདིནེ སྭཙཀྵུརྒོཙརཱིཡསཏྐྲིཡཱབྷྱ ཨཱིཤྭརསྱ པྲཤཾསཱཾ ཀུཪྻྱུཿ།
13 ཏཏོ ཧེཏོ ཪྻཱུཡཾ པྲབྷོརནུརོདྷཱཏ྄ མཱནཝསྲྀཥྚཱནཱཾ ཀརྟྲྀཏྭཔདཱནཱཾ ཝཤཱིབྷཝཏ ཝིཤེཥཏོ བྷཱུཔཱལསྱ ཡཏཿ ས ཤྲེཥྛཿ,
14 དེཤཱདྷྱཀྵཱཎཱཉྩ ཡཏསྟེ དུཥྐརྨྨཀཱརིཎཱཾ དཎྜདཱནཱརྠཾ སཏྐརྨྨཀཱརིཎཱཾ པྲཤཾསཱརྠཉྩ ཏེན པྲེརིཏཱཿ།
15 ཨིཏྠཾ ནིརྦྦོདྷམཱནུཥཱཎཱམ྄ ཨཛྙཱནཏྭཾ ཡཏ྄ སདཱཙཱརིབྷི ཪྻུཥྨཱབྷི རྣིརུཏྟརཱིཀྲིཡཏེ ཏད྄ ཨཱིཤྭརསྱཱབྷིམཏཾ།
16 ཡཱུཡཾ སྭཱདྷཱིནཱ ཨིཝཱཙརཏ ཏཐཱཔི དུཥྚཏཱཡཱ ཝེཥསྭརཱུཔཱཾ སྭཱདྷཱིནཏཱཾ དྷཱརཡནྟ ཨིཝ ནཧི ཀིནྟྭཱིཤྭརསྱ དཱསཱ ཨིཝ།
17 སཪྻྭཱན྄ སམཱདྲིཡདྷྭཾ བྷྲཱཏྲྀཝརྒེ པྲཱིཡདྷྭམ྄ ཨཱིཤྭརཱད྄ བིབྷཱིཏ བྷཱུཔཱལཾ སམྨནྱདྷྭཾ།
18 ཧེ དཱསཱཿ ཡཱུཡཾ སམྤཱུརྞཱདརེཎ པྲབྷཱུནཱཾ ཝཤྱཱ བྷཝཏ ཀེཝལཾ བྷདྲཱཎཱཾ དཡཱལཱུནཱཉྩ ནཧི ཀིནྟྭནྲྀཛཱུནཱམཔི།
19 ཡཏོ ྅ནྱཱཡེན དུཿཁབྷོགཀཱལ ཨཱིཤྭརཙིནྟཡཱ ཡཏ྄ ཀླེཤསཧནཾ ཏདེཝ པྲིཡཾ།
20 པཱཔཾ ཀྲྀཏྭཱ ཡུཥྨཱཀཾ ཙཔེཊཱགྷཱཏསཧནེན ཀཱ པྲཤཾསཱ? ཀིནྟུ སདཱཙཱརཾ ཀྲྀཏྭཱ ཡུཥྨཱཀཾ ཡད྄ དུཿཁསཧནཾ ཏདེཝེཤྭརསྱ པྲིཡཾ།
21 ཏདརྠམེཝ ཡཱུཡམ྄ ཨཱཧཱུཏཱ ཡཏཿ ཁྲཱིཥྚོ྅པི ཡུཥྨནྣིམིཏྟཾ དུཿཁཾ བྷུཀྟྭཱ ཡཱུཡཾ ཡཏ྄ ཏསྱ པདཙིཧྣཻ ཪྻྲཛེཏ ཏདརྠཾ དྲྀཥྚཱནྟམེཀཾ དརྴིཏཝཱན྄།
22 ས ཀིམཔི པཱཔཾ ན ཀྲྀཏཝཱན྄ ཏསྱ ཝདནེ ཀཱཔི ཚལསྱ ཀཐཱ ནཱསཱིཏ྄།
23 ནིནྡིཏོ ྅པི སན྄ ས པྲཏིནིནྡཱཾ ན ཀྲྀཏཝཱན྄ དུཿཁཾ སཧམཱནོ ྅པི ན བྷརྟྶིཏཝཱན྄ ཀིནྟུ ཡཐཱརྠཝིཙཱརཡིཏུཿ སམཱིཔེ སྭཾ སམརྤིཏཝཱན྄།
24 ཝཡཾ ཡཏ྄ པཱཔེབྷྱོ ནིཝྲྀཏྱ དྷརྨྨཱརྠཾ ཛཱིཝཱམསྟདརྠཾ ས སྭཤརཱིརེཎཱསྨཱཀཾ པཱཔཱནི ཀྲུཤ ཨཱུཌྷཝཱན྄ ཏསྱ པྲཧཱརཻ ཪྻཱུཡཾ སྭསྠཱ ཨབྷཝཏ།
25 ཡཏཿ པཱུཪྻྭཾ ཡཱུཡཾ བྷྲམཎཀཱརིམེཥཱ ཨིཝཱདྷྭཾ ཀིནྟྭདྷུནཱ ཡུཥྨཱཀམ྄ ཨཱཏྨནཱཾ པཱལཀསྱཱདྷྱཀྵསྱ ཙ སམཱིཔཾ པྲཏྱཱཝརྟྟིཏཱཿ།