1 أَزهّذْ ن أَسَافْ.
2 نشّْ مَاشَا، عْڒَاحَاڒْ ثُوغَا إِضَارنْ إِنُو
3 مَاغَارْ ثُوغَا ؤُسْمغْ زڭْ إِبُوهَاڒِييّنْ،
4 مَاغَارْ وَارْ ذِينْ بُو إِسغْوَانْ
5 نِيثْنِي وَارْ شَارّْشنْ ذِي ثَامَارَا ن إِوْذَانْ،
6 س ؤُيَا ثتَّايڒْ أَسنْ-د نّْفَاخثْ
7 ثِيطَّاوِينْ نْسنْ تّْوَافّْغنْثْ زِي ثَاذُونْثْ،
8 نِيثْنِي سْثهْزَانْ س بْطَايْطَايْ
9 نِيثْنِي أَرزّْمنْ ؤُقمُّومْ نْسنْ
10 س ؤُيَا إِنّقْڒبْ
11 قَّارنْ:
12 خْزَارْ، أَقَا أَثنْ ذ إِعفَّاننْ!
13 س ثِيذتّْ، أَمنِّي وَاهَا
14 أَسّْ أَمْ إِمُونْ نشّْ ثِييِّيثَا ذَايِي،
15 مَاڒَا نِّيغْ: ”ؤُڒَا ذ نشّْ أَذْ سِّيوْڒغْ أَمُّو!“،
16 إِتّْڒِيغْ أَيِي زمَّارغْ أَذْ فهْمغْ أَيَا،
17 أَڒَامِي ؤُذْفغْ
18 وَاهْ، شكْ ثسّْرُوسِيذْ ثنْ
19 مَامّشْ ذوْڒنْ
20 أَمْ ثَارْجِيثْ غَارْ ؤُفَاقِي، أَ سِيذِي إِنُو،
21 ڒَامِي إِتّْوَاسَّارْزڭْ ؤُڒْ إِنُو
22 نشّْ ثُوغَا أَيِي ذ أَقفُّوحْ،
23 عَاذْ مَاشَا ڒبْذَا أَقَا أَيِي غَاركْ،
24 شكْ أَذْ أَيِي ثْڭوّْذذْ س شّْوَارْ نّشْ
25 مَانْ ونْ إِ غَارِي ذڭْ ؤُجنَّا
26 مَاڒَا أَرِّيمثْ ذ وُوڒْ إِنُو
27 مَاغَارْ خْزَارْ،
28 نشّْ مَاشَا، ڒْذَاسثْ إِ أَربِّي ذ مْلِيحْ إِ نشّْ.