1 यीसु फसह को तिहार लक छह दिवस पुढा बैतनिय्याह नगर मा आयो, जिता लाजर होतो। जेनला यीसु ना मरो मा लक जित्तो करी होतिस।
2 उता उनना ओको लाई जेवनतैय्यार करी होतीन, अना मारथा सेवा करत होती। लाजर उनमा लक एक होतो, जोन ओको सँगा जेवन लाई बसयो होतो।
3 तबा मरियम ना जटामाँसी को ढाई किलो सुध्द कीमती इतरआनके यीसु को पाय पर डाकीस, अना चुन्दी लक ओको पाय ला मलन लगीस अना इतर की महक लक सारो घर महकन लगयो।
4 पर ओको चेला मा लक यहूदा इस्करियोति नाव को एक चेला जोन ना ओला धरायो, कव्हन लगयो।
5 यो इतर तो तीन सौ सिक्का मा बेचो भी जाय सकासे अना गरिब गोर गीनला दियो जाय सकासे।
6 यो बात ओना एको लाई नही कहीस, की ओला गरीब गोर की चिंता होती, पर एको लाई कहीस, की उ चोट्टा होतो, अना ओको जवर ओकी पियुसीरहोत होती। अना ओको मा जो काही डाकयो जावत होतो उ हेड़ लेत होतो।
7 यीसु ना कहीस, ओला रव्हन देव, ओला मोरो गाड़ो जावन को दिवस को लाय करन देव।
8 काहे की गरीब गोर तो तुमरो सँगा हमेसा रव्हेत,, पर मि तुमरो सँगा हमेसानही रहुँ।
9 जबा यहूदी को मोठी भीड़ यो जान गईन, का उ उता से, ता वय केवल यीसु को काजी नही, बल्कि एको लाई भी आइन, का लाजर ला चोवबोन, जेनला ओने मरयो हुयो मा लक जित्तो करी होतिस।
10 तबा मोठा मुखिया याजक ना लाजर ला भी मारन की साजिस करीन।
11 काहेकि ओको काजी लगत सा यहूदी ओको पक्स मा भय गई होतीन, अना ओको पर भरोसा कर रही होतिन।
12 दुसरो दिवस लगत सा लोकगीन ना जोन तिहार मा आई होतीन उनना आयक के की यीसु यरुसलेम मा आय रहयो से।
13 लोकगीन खजुर की डारी लेईन, अना ओला मिलन को लाई हिटिन। “अना चिल्लाके कव्हन लगीन।” बड़ाई होय, “धन्य से इसरायल को राजा।” जो पिरभूको नाव लक आवासे।
14 जबा यीसु ला गदही को एक बच्चा मिलयो, ता उ ओको पर बस गयो। जसो ओको बारे मा लिखि से।
16 यीसु को चेलागीन यो गोस्टी नही समजयो होतीन, पर यीसु को महिमा मिलन को मंघा उनला हेत आयी, का यो वोको बारे मा लिखीसे अना लोक गीनना वोको संग असोच कियो होतो।
17 तब भीड़ मा वय मानूस गीन गवाही देयीन, जोन बेरा लाजर ला मरघट्टी लक हाकल के यीसु ने जित्तो कियो होतो वोच बेरा चोयो होतीन।
18 एको लाई लगत लोक गीन यीसु को आवभगत करन लाई हिटीन। ओन्हीसीन आयकीन का यीसु ना यो निसान चोवाइसेस।
19 यो सब चोय के मोसे को नियम को गुरू ना एकमेक लक कहिन, “चोव रहिसेव ना, तुमी लक काही नही होय सका। चोवो सप्पा संसार ओको मंघा चल रही से।”
20 जोन लोक तिहार को बेरा मा पूजा करन आई होतीन, उनमा काही यूनानी होतीन।
21 उनना फिलिप्पुस को जवर आयके यो बिनती करीन, महोदय, आमी यीसु पिरभू लक मिलन आईसेजन। फिलिप्पुस गलील छेतर को बैतसेदा नगर को रव्हन वालो होतो।
22 उ गयो अना अन्दिरयास ला यो सांगिस, तबा अन्दिरयास अना फिलिप्पुस गईन अना उनना यीसु ला एको बारे मा खबर देईन।
23 यीसु ना उन लक कहीस, उ बेरा आय गईसे, जबा मानूस को टूरा महिमा ला पाय लेहे।
24 मि तुमी लक खरो सांगासेउ जबा तकन गँहु को बीज माती मा पड़के मर नही जासे तबा तकन उ एकलो रव्होसे, पर अदी उ मर जावासे ता लगत फर देवासे।
25 जोन आपरो जान लक माया करासे, उ ओला नास करासे, अना जोन यो संसार मा आपरो जान लक बैर करासे, उ ओला अमर जिन्दगी कोलाय सुरक्सित राखासे।
26 अदी कोनी मोरो दास बननो चाव्हासे तो मोरो मंघा चले, जिता मि सेउ, उता मोरो चेला भी रव्हेत, अदी कोनी मोरी सेवा करनो चाव्हासे ता बाबूजी ओको मान करेत।
27 “अब मोरी मन बेचेन से, का मि यो कहुँ, बाबूजी, यो बेरा को आफद लक मोला बचाव? काहेका यो काजी मि यो बेरा तकन पहुची सेउ।
28 ओ बाबूजी! लोकगीन मा आपरो नाव की महिमा कर।” ओनो बेरा मा यो सरग लक आवाज आई, का मिना आपरो नाव की महिमा करीसेव, अना मंग ओको महिमा करू।
29 इता उता लोक गीनना आयक के कहिन बादल गरजियो, काही लोकगीन ना कहिन, एक सरगदूत ना वोला काही सांगयो से।।
30 यीसु ना सांगीस यो आवाज मोरो लाई नही, बलिक तुमी लोकगीन लाय से।
31 अब यो संसार को न्याय होवा से, अब यो संसार को मुखिया हेड़ दियो जाहे।
32 अना मि जबा धरती लक वरता उचलो जाहुँ। तबा सब मानूस गीनला आपरो कन झीक लेहुँ।
33 ऐना सबद लक यीसु ना ईसारा करीस, का ओकी मिरतु कोन तरीको लक होयेत?
34 लोकगीन ना असो सांगीन, मोसे को नियम हमला यो सिक्सा देसे की मसीह सदा रहेत, मंग तु यो कायलाय कव्हसेस, की मानूस को टूरा ला वरता जानो जरूरी से? यो मानूस टूराकोन आय?
35 एतरो पर यीसु ना उन ला कहीस, अता कम बेरा से की उजाड़ो तुमरो संग से। जबा तकन उजाड़ो तुमरो जवर से पुढा बढ जाओ। कहीं असो न होहे की इंधारोतुमला घेर ले। जोन इंधारो मा चला से वा नही जान सका की किता जावसे?
36 जबा तकन उजाड़ो तुमरो जवर से उजाड़ो पर भरोसा ठेवो, जोन लक तुम्हि उजाड़ो की सँतान बन सको। असो कव्हनो पर यीसु चली गयो अना उनको लक लुक गयो।
37 मंग यीसु ना उनको पुढ एतरो निसान चोवाइस, मंग उनना भरोसा नही करीन।
38 एकोलाय भविस्यवक्ता यसायाह को यो कव्हनो पूरो भयो का,
39 वय एको लाई भी भरोसा नही कर सकीन, का भविस्यवक्ता यसायाह ना यो कव्हयो होतो,
41 यसायाह ना यो सबच एको लाई साँगीस, की उनना यीसु की महिमा ला चोयी होतो, अना वोको बारे मा सांगीस
42 मंग अधिकारी मा लक काही ना ओको भरोसा करीन, पर मोसे को नियम को गुरू को पुढा ओला नही अपनात होतीन। उनला डर होतो की सभा लक उनला कही नोको ठुकराय दियो जाय।
43 उनला परमेस्वर को मान लक ज्यादा, मानूस को मान को माया होतो।
44 यीसु ना हाकलके कहीस, “जोन मोरो पर भरोसा करासे उ मोरो पर नही पर जोनना मोला धाड़िसेस ओको पर करासे।
45 अना जोनना मोला चोवीसेस, ओना मोरो धाड़न वालो ला चोवीसेस।
46 मि जगत मा उजाड़ो होयके आईसेऊ, एकोलाय जोन कोनी मोरो पर भरोसा करेत, उ इंधारो मा नही रव्हेत।
47 अदी कोनी मोरी गोस्टी ला आयकसे अना नही मानासे ता मि ओला सजा नही देहु। काहेकि मि जगत ला अपराधी ठहरावन को लाय नही, पर जगत ला सूटकारादेवन ला आईसेऊ।
48 जोन मोला बेकार जानासे अना मोरी गोस्टी नही अपनावासे, ओला अपराधी ठयरावन वालो तो एक से, जेना गोस्टी मिना सांगीसेउ, वा बितो दिवस मा ओको न्याय करयेत।
49 काहे की मिना आपरो कन लक गोस्टी नही करिसेऊ, पर बाबूजी जोनना मोला धाड़िसेस ओना मोला हुकूम देईसेस, मि काजक कहुँ, अना मि काजक सांगीन?
50 अना मि जानासेऊ का ओको हुकूम अमर जिंदगी से, एकोलाय मि जेना गोस्टी ला सांगासु, बाबूजी ना मोला जसो सांगीसेस, वसोच सांगासु।”