1 Mayatja, nyaakuṉin rawangku ngayunya kuliṟa wantinyi?
2 Nyangatjaṉa rawa alatjiṯu tjituṟu-tjituṟu nyinanyi mungangka kaḻaḻa.
3 Mayatja God, wanyuṉitju nyuntu kulinma rawangku wantinytja wiyangku ngayulu nyuntula tjapinnyangka.
4 Panya ngayulu tjinguṟu iluku, kaya ngayuku mirpaṉtju tjuṯa ngayuku puḻkaṟa alatjiṯu ikaringkula pukuḻariku munuya wangkaku alatji, “Awa! Nganaṉa palya alatjiṯu wiyaṉu!”
5 Ngayulu ninti panya nyuntu ngayuku puḻkaṟa mukuringanyi tiṯutjara alatjiṯu, kaṉa nyanga palulanguṟu ngayulu rapa puḻka nyuntula tjungu nyinanyi.
6 Uwa, nyuntu panya ngayunya puḻkaṟa pukuḻmanu,