10 Kaya Jew kutjupa tjuṯangku pitjala ngayula wangkangu, “Kulila, nyangatja puḻi minya-minya winki mulapa mantangka ngarira waṉinyi, kala waṟka puḻka palyalkatira nganaṉa paku puḻkaringu munula wawanyarira puṯu kulini. Yaaltjingaṟa wall-pa palyaṟa wiyalku.”
11 Kaya nganampa mirpaṉtju tjuṯangku kunyu wangkangu, “Kuwarila Jew tjuṯa watarku waṟkarinyangka ma-panykaṟa ilaringkuku munula urulyku tjananya pungkula wiyanma waṟka tjana palyaṟa wiyantjaku-tawara.”
12 Kaya palula tjanala itingka Jew kutjupa tjuṯa nyinangi, munuya tjana wangkanyangka kuliṟa pitjala ngayula tjakultjunangi tjuṯa-aṟangku.