1 Tagi Maolunga, au e hagahi goe;
2 Hagalaangona dogu dangidangi adu koe gi abodonu mai,
3 Aude gaavee gee au madali de gau baubau,
4 Hagao ina ange gilaadeu gi bei alaadeu hegau,
5 Go hiidinga gilaadeu e hagangadi mee hegau a Tagi Maolunga,
6 Hagadegi ina Tagi Maolunga,
7 Go Tagi Maolunga ogu mahi ma dagu mee hungihungi;
8 Go Tagi Maolunga e hagammahi ina ono dangada,
9 Hagaola ina doo huaadangada ma de hagamanuuia dangada o doo boolonga;