1 NoTeco Dios, xinechtlasojtla,
2 Nochi se tonal nechcuatetzopaj huan noca paquij.
3 Pero quema nijmati nimajmahui, na nimotemachía ipan ta.
4 Nijhueyichihua Toteco Dios huan nimotemachía ipan ya para nechmanahuis queja nechtlajtolcahuilijtoc quichihuas ipan itlajtol.
5 Ajachica quipatlaj notlajtol huan san moilhuíaj quejatza huelis nechchihuilise tlen ax cuali.
6 Mosentilíaj huan quisencahuaj tlachque nechchihuilise.
7 Toteco Dios, xijtlachili nochi inintlaixpanolhua huan xiquintlatzacuilti.
8 Ta tinechitztoc quesqui hueltas nimochololtijtoc huan nimochoquilijtoc.
9 NoTeco Dios, quema nimitztzajtzilía para xinechpalehui,
10 Na nimotemachía ipan Toteco Dios.
11 Quena, nimotemachía ipan Toteco Dios huan ax nimajmahui.
12 NoTeco Dios, nochi tlen nimitztlajtolcahuilijtoc, nijtlamichihuas.
13 Ta, Toteco Dios, tinechmanahuijtoc para ax nimiquis,