1 O Leeme Silok, a milik aurut tu, toxun pana at laxalibet at loxot nenu ut kis teren la um gomgonga limixin nade xopok.
2 O Leeme Silok, nenu ne Moroa atnama. Lavasaxaruki di nunu saga at lubung amgomgo atdi, la lavasaxaruki rixin di nunu saga at lavakin amgomgo atdi. La kerepmo bok nema manaba nunu saga amisik taram, se at loxonaleng una lox asuusu lebelen tuntun taram tinama.
3 O Leeme Silok, una lox asuusu lebelen tuntun tinema. Una lox asuusu lebelen tuntun tinema, mila mara baava nga na mi laxanmumuat dik lok li i mavana atnama.
4 Mara baava nga na mumu laxalinga sese limixin loklox aaru dik lox i rinama. La limixin apnovos bok di lele abulubun nama.