1 Ufainagai kina iꞌoiꞌi iꞌoiꞌiai ke keaga iꞌoiꞌi iꞌoiꞌiai Deo ega iifa profeta akeꞌiai iꞌa ufuꞌa apaꞌa maaꞌiai eifafoua.
2 Kai iꞌina kinaꞌi fuaꞌi alogai, Deo Gauga kapaꞌina eifaniꞌi, ke faagagai kapaꞌina kemia auga Deo iꞌa epainiꞌa. Deo, isa Gauga faagagai agofaꞌa epagama. Kai Deo agofaꞌa aepagama koa kai, Isa Gauga ekinaga, eifa koꞌania kapa maꞌoai agepenia eoma auga isafa isa apuga epamia efua.
3 Deo Gauga auga Deo iisa iꞌopoga mo, ke Deo ega Akaikiꞌa ala koa auga Gauga faagagai aisa. Ke Deo eifa mo aagoa ufa fou kegama. Iesu pau egaꞌina isapugai kapa maꞌoai eafiapiꞌi eꞌimaꞌi. Isa emai fauꞌaisai emae, aꞌa laomai apalaꞌi eikuiꞌi kai ufai eꞌagaukae, auꞌoniai Au Akaikiꞌa eagu afuga kaina kainai eague.
4 Iesu ega koa ekapaisa, agelo kekapa auga ekaꞌegaina. Ega kainai isa aka Deo maagai akaikiꞌa ipauma, agelo akaꞌi ekaꞌegaina.
5 Gome Deo ega iifa pukagai agelo agaꞌo iina aepaini omaꞌi:aeoma. 2 Samuel 7:14; 1 Kronikel 17:13 O iina isafa aeoma:aeoma. Sam 2:7
6 Kai Deo Gauga faꞌaniauga gamaiseina agofaꞌai eoma aisama, isa faagagai kapaꞌina agemia auga fouga ega iifa pukagai iina eifa oma:eoma. Deuteronomy 32:43
7 Ke Deo ega iifa pukagai agelo auga fouꞌi iina eifa oma:eoma. Sam 104:4 Ega koa iꞌopoga, Deo agelo eulaiꞌi aisama, ameku epua mo aelaolao koa iꞌopoga, kemai eꞌi pinauga kepafua ke kelao. Ke lo mala isafa eufa mo aelaolao koa iꞌopoga, kemai eꞌi pinauga kepafua afegai kelao pugu.
8 Kai Deo Isa Gauga auga fouga ega iifa pukagai iina eifa oma:
9 eoma. Sam 45:6-7
10 Ke Deo ega iifa pukagai Gauga fouga isafa iina eifa oma:
12 eoma. Sam 102:25-27
13 Agelo maꞌoai auga auni, Deo ega pinauga ikapa auꞌi. Isa Deo papiau kaniaꞌi isagamauga akeafia auꞌi fauꞌiai fekepinauga eoma puo, eulaiꞌi kemai ega pinauga kekapa. Kai Deo Gauga auga fouga ega iifa pukagai iina eifa oma:Kai agelo fouꞌi ega aeifa oma. Ega kainai Deo ega iifa pukagai eifania koa iꞌopoga, Deo Gauga auga agelo ekaꞌegainiꞌi paisa.