1 ये़सु ख्रिस्ते़न्अब्राहामरे़ कुस्साः हे़क्क्याङ् दाउद हाङ्ङिल्ले़ कुस्साः वये़रो॥ कङ्ग खुने़ॽ कुधाःक्हाॽरे़ खुनिॽ मिङ्स्रारो–
17 अक्खेलॽरिक् अब्राहामलाम् दाउद हाङ् थारिक् थिक्-लि (१४) थाःक् मे़वये़, हे़क्क्याङ् दाउद हाङ्लाम् बे़बिलोन लाजेॽओ मे़दे़म्सु मे़देॽरुसिआङ् मे़गत्तुसिबा ये़म् थारिक् थिक्-लि (१४) थाःक् मे़वये़, हे़क्क्याङ् बे़बिलोःन्नो पुङ्लाधाबा मे़जोगुसिआङ् मे़देॽरुसिबा ये़म्माङ्धो निङ्वाॽफुमाङ्ङिल्ले़ सेःन्दुबा ख्रिस्ते़न्सावाःन्छिङ्बा ये़म् थारिक् थिक्-लि (१४) थाःक् मे़वये़रो॥
18 आल्ल ये़सु ख्रिस्तरे़ कुसावाःन्छिङ्मान् अक्खेलॽरिक् पोःक्खे़रो–कुम्मा मरियमरे़ कुमेःक्खिम् पोःङ्मा पाःन्निन् युसुफे़न्नु पुॽरे़आङ् वये़, कर खुन्छिॽ मेःक्खिम् पोःङ्मानुःल्ले़ तगिए खुने़ॽ सेसेमाङ्ङिल्ले़कुमुक्साम्लाम् मे़न्छुक्मा पोःक्खे़रो॥
19 खुने़ॽनु कुमेःक्खिम् पाःन् के़बुॽबा युसुफे़ङ्ग साम्योनिबा मना वये़बाल्ले़ चोगुल्ले़ कुजाःत्थि मे़बेःक्ने़न्ल फाॽआङ् खे़ल्ले़ स्वाःत्ताङ् नाॽमा निङ्वाॽ चोगुरो॥
20 कर हे़क्के इःत्तुर वये़ल्ले़ से़प्माङ्मो यहवे दाङ्बाल्ले़ कुमाङ्लाइङ्बान्ओसेःन्धाक्सिङ्ङाङ्अक्खे मे़त्तुरो, “दाउदरे़ कुमुॽइदाङ्सा युसुप्फे, खे़ने़ॽ मरियम्मिन् मेःक्खिम् चोःक्माआङ् हिम्मो ताःप्मा मे़गिसे़न्ने़ॽओ, थेआङ्भे़ल्ले़ खुने़ॽओबा अङे़ःक्वाःन् सेसेमाङ्ङिल्ले़ कुमुक्साम्लाम्बा हाङ्सिङ्बारो॥
21 खुने़ॽ ये़म्बित्छाॽसाःधिक् कत्तुॽ, हे़क्क्याङ् खे़ल्ले़ कुमिङ्ङिन् ये़सुवाःत्ते़ॽओ, थेआङ्भे़ल्ले़ खे़ल्ले़ कुमनाहाॽ खुनिॽ लायोलाम् ताङ्से़ःप्तुसिॽरो॥”
22 माङ्निङ्वाॽपाःन् के़बाःप्पालाम्यहवे दाङ्बाल्ले़ उन्छेःन् अक्खेलॽरिक् पाःत्तुआङ् वये़बा पाःन्निन् के़त्ल फाॽआङ् कन् के़रे़क् पाःन्हाॽ पोःक्खे़बारो–
23 “सिसादिङ् मे़न्छियाॽइन् मे़न्छुक्मा पोःङ्ङाङ् ये़म्बित्छाॽसाःधिक् कत्तुॽ, हे़क्क्याङ् खे़न् इम्मानुएल मे़मे़त्तुॽरो॥ ‘इम्मानुएल’ फाॽइङ्ग ‘निङ्वाॽफुमाङ्ङिन् आनिॽनु वाॽ’ पोःङ्लो॥”
24 आल्ल युसुफे़न् से़प्माङ्मोलाम् सोरे़आङ् यहवे दाङ्बाल्ले़ कुमाङ्लाइङ्बाल्ले़ मे़त्तुबा कुइसिःक्के मरियम्मिन् मेःक्खिम् मे़त्तु, हे़क्क्याङ् कुहिम्मो तारुरो॥
25 कर मरियम्मिन् मे़न्छुक्मा वये़र थारिक् खुन्छिॽ सोरिक् मे़इप्से़त्छिन्लो॥ याङ्सि मरियम्मिल्ले़ साः कत्तुआङ् युसुफरे़ खे़न् अङे़ःक्वाःन् ये़सु मिङ् वाःत्तुरो॥