1 E Guyau ilukwaigu bawosi mapilana wosi kasi kavinavina taiyu litula guyoula Isireli.
2 Ka, inami makawala laiyoni navivila!
3 E ividali natana minasina ivituloki paila biwaiga;
4 E boda ituwoli ituwoli inakaigalaisi bulogala matauna
5 Inala itulotula itulukoya la pikwaku komwaidona bogwa wala leiwokuva.
6 Avai tuta minana saina einaveka
7 Minana bivapilaku kalila valu e bivadidaimi valu.
8 Mabudosina ikatukwaitalasi paila bikabiliasi deli minana.
9 Matausina ilikwaisi minana e ikauwaisi iuyokaisi guyoula Babilonia.
10 Ka, inami makawala tamtala waini
11 Sisila saina sisipapeula.
12 Mitaga mina gibuluwa iyosisi ibisabwaisi matamna e ilavaisi ila opwaipwaia.
13 Baisa tuta bogwa leivalaisi matamna oviloupakala
14 E tonenala matamna kova igabu.