1 Hi Apo Dios ya anggay di hohoddo' hi mamaliw ay ha"in,
2 ya Hiyay umat hi batun ihi'uga' ya mangibaliw ay ha"in,
3 Mu anuud mah nin di pangidinnganyun mangi'ingol ya mama"in ha"in?
4 Ya unyu ahan pohdon an pa"iona' ta mipa'ampa nan haad'u,
5 Mu hi Apo Dios ya anggay di ehdol'uh mamaliw ay ha"in,
6 ya anggay goh Hiyah umat hi batun ihi'uga' ya mangibaliw ay ha"in,
7 Immannung an hi Apo Dios ya anggay di mamaliw ay ha"in,
8 At da'yun tatagu ya gunyu e'kod ay Apo Dios ta Hiyay pangibaganyuh nan way aguguluwanyu
9 Ditu'un tatagu ya umat tu'uh yahhiyah,
10 Ya adiyu ehdol nan inaka'akawyu unu nan namlohanyuh gina'un di udumnan tatagu
11 Adi un namenghan ya anggay di nangngola' hi nangalyan Apo Dios
12 ya adi maluman di pamhodna.