1 Mawagahan nan tatagun mammo' hinan tagun mid abalinana
2 Ya immannung an halimunan Apo Dios dida ta mi'taguda,
3 Ya wa ay ta mundogohda ya halimunan Apo Dios,
4 Ya inali' ay Apo Dios di,
5 Nan pi'buhul'u ya na"appuhi ahan nan hapitondah aat'u
6 Ya umalidan mangidungaw ay Ha"in an ay ligwa' dida,
7 Ya an amin nan mi'bohhol ay ha"in ya gunda iyab'abu'ab di nappuhih aat'u,
8 at alyonday,
9 Ya ta"on nan nahamad an ligwa an hiyay ehdol'u ti gun ne"an ay Ha"in ya din'uga'.
10 O Apu, hom'ona' ni',
11 Ti inila' an pohdona' ay he"a ti binadangana' ta agguya' impa'abak hinan mi'bohhol ay ha"in.
12 Ya immannung an binadangana' ay He"a ti mid bahol'u,
13 Madayaw'a, Apu an Dios nan holag Israel hi mid pogpogna!