1 Apo Dios, munyamana' ay He"ah puhu' ya hi nomnom'u,
2 Ya ihagang'uh appit hi Timplum,
3 Ya hidin nunluwalua' ay He"a ya dengngolmu,
4 Apo Dios, dayawon da'a ni' an amin hinan a'alih nan abablubabluy
5 Ya ikantaday aat di inatmu ti nidugah di anabagbagtum.
6 He"a an Ap'apu ya na'abbagbagtu'a,
7 Ya ta"on hi unna' li'ubon hinan buhul'u ya wada'an bumadang ta mid di ma'at ay ha"in hi nappuhi.
8 He"a, Apo Dios, di nangamung an mangipadutu' ay ha"in ta umannung din ninomnommun ma'at hi nitagua'.