1 An namin ta'un wahtun luta ya hanat mun'am'amlong ta'u an mangit'itkuk hi pundayaw ta'un Apu Dios.
2 Ot hanat mun'am'amlong ta'u nimpe an mangikankantah pundayaw ta'un hiya.
3 Ya nanongnan nomnomnomon ta'u an hiya nan Dios an ap'apu.
4 Ya hinan umayan ta'uh nan lita''angan nan Templo ya hanat munhana ta'u ya dayawon ta'uh Apu Dios.
5 Te hiya ya maphod ya munnananong di pamhodna ya adina ibahhon aton di imbagana an ta'on on atnay mun'atanudan.