1 Oo Musengwa, okabaka asangaala olwʼokubba omuwa amaani.
2 Omuwaire omwoyogwe ebigwegomba,
3 Era wamusisinkanire nʼomuwa enkabi egyʼamaani,
4 Yakusabire obwomi,
5 Ekitiisyakye kinene olwʼobuwanguli obwomuwa,
6 Dala omuwaire enkabi egyʼenkalaakalira,
7 Okabaka yeesiga oMusengwa.
8 Waliwamba abalabebo bonabona,
9 Owewaliboneka,
10 Walijigirica eibyaire lyabwe oku kyalo,
11 Newankubbaire bateesa okukukolaku akabbikabbi,
12 Ekyo kityo olwʼokubba walibalasamu obulaso,
13 Oo Musengwa, bakugulumalyenge olwʼamaanigo.