1 रोम सहरर्बै तिबेरियस बिबै म्हिइ च्युसे ङ्हदिं समा ग्याल्स लमा पन्तियस पिलातस यहूदीया ह्युलर्बै क्रथे मुँल। च त्हेर गालील बिबै ह्युलर हेरोद म्रुँ मुँल। इतुरिया नेरो त्राखोनितिस बिबै ह्युलर हेरोदए अलि फिलिप म्रुँ मुँल। अबिलेने बिबै ह्युलर लुसानियास बिबै म्हि म्रुँ मुँल।
2 झाइले यरूशलेमर हन्नास नेरो कैयाफा ख्रो पिंबै खेगि क्रथेमैं मुँल। च त्हेर क्यु आयोंबै क्ल्ह्योर जकरियाए च्ह यूहन्नाने परमेश्वरए ताँ युइ।
3 छतसि यूहन्ना यर्दन स्योंए खागुबै ताँन् क्ल्ह्योजरे स्युरसि म्हिमैंने पाप लब पिसि परमेश्वरउँइँ सैं एदु धै क्युर प्ल्हुँसि बप्तिस्मा किंनु। छलस्याँ परमेश्वरजी क्हेमैंए पाप क्षमा लमिंब्मुँ बिसि परमेश्वरए ताँ बिप्रबर होंइ।
4 स्योंम्बै यशैया अगमबक्ताइ यूहन्नाए बारेर ओंसोंन् छले प्ह्रिइमुँ,
5 ताँन् होंल्दोंमैं म्यालब्मुँ
6 छले ताँन् म्हिमैंइ परमेश्वरजी जोगेमिंमुँनामैं बिसि सेब्मुँ।’”
7 छतसि ल्हें म्हि यूहन्ना ङाँर क्युर प्ल्हुँसि बप्तिस्मा पिंन् बिसि खइ। छले खमा यूहन्नाइ चमैंने बिइ, “ओ, प्हुरि धों तबै म्हिमैं! परमेश्वरजी पिंबि छेबै सजैंउँइँले स्योल् खाँम् बिसि खाबइ क्हेमैंने बिल?
8 छतसि क्हेंमैए सैं परमेश्वरउँइँ एसि छ्याँबै के लसि उँइँन्। ‘ङि यहूदीमैं परमेश्वरजी त्हाँबै म्हि अब्राहामए कुलर्बै सन्तानमैं ग। छतसि ङिइ परमेश्वरउँइँले सजैं आयों बिसि क्हेमैंइ आमैंन्’ तलेबिस्याँ परमेश्वरजी चु युँमाउँइँले या अब्राहामए ल्हागिर सन्तानमैं लमिंल् खाँम्।
9 तोगोन् त सिंधुँए जरर फेयाल् खाँइँमुँ छतसि छ्याँबै रो आरोबै सिंधुँमैं ताँन् थोवासि मिर झोंवाब्मुँ।”
10 चु ताँ थेसि ल्हें म्हिमैंइ यूहन्नाने “छ बिस्याँ तारे ङिइ तो लल् त्हुम्?” बिसि ङ्योएइ।
11 यूहन्नाइ बिइ, “खाब्ने खिबै क्वें ङ्हिजोर मुँ, चइ आरेबै म्हिमैं तिजोर पिंरिगे, धै खाब्ने चबै सै मुँ चइ फो ख्रेंब्मैं चल् पिंरिगे।”
12 झाइले रोमी म्रुँए ल्हागिर बालि रेब्मैं या क्युर प्ल्हुँसि बप्तिस्मा किंबर खल। चमैंइ यूहन्नाने “ओ गुरु, तारे ङिइ तो लल् त्हुम् बिसि ङ्योइ?”
13 यूहन्नाइ चमैंने “सरकारइ तोक्दिब् भन्दा ल्हें मुइ आकिंन्,” बिइ।
14 को-कोइ सिपाइमैंज्यै या “ङिइ खै लल् त्हुम्?” बिसि यूहन्नाने ङ्योएइ।
15 मुक्ति पिंबै म्रुँ ख्रीष्ट खोंयों युम् ङ्हे बिसि म्हिमैं ह्रेरिल। छतसि “परमेश्वरजी कुल्मिंबै म्रुँ ख्रीष्ट यूहन्नान् मुँन उ?” बिसि ताँन् म्हिमैंइ मैंरिल।
16 छतमा यूहन्नाइ चमैं ताँनने बिइ, “ङइमि क्हेमैंलाइ क्युर प्ल्हुँसि बप्तिस्मा पिंम्। दिलेया ङ भन्दा शक्ति मुँबै म्हि घ्रि युब्मुँ। खीए जुत्ताए तनि प्ल्हबर ङ्हेंब ङ आरे। खीजी क्हेमैंलाइ परमेश्वरए पबित्र प्ल्ह नेरो मिइ बप्तिस्मा पिंब्मुँ।
17 सोंग्याँ टाबै नउलि खीने मुँ। च नउलिइ ह्रोंसए सोंग्याँ छेनाले टाब्मुँ, धै गहुँ भकारिर खागु लब्मुँ बिस्याँ पुइ खोंयोंइ आसिबै मिर ख्रोंवाब्मुँ।”
18 छाबै ल्हें खालर्बै अर्थिए ताँमैं बिसि यूहन्नाइ परमेश्वरजी कुल्मिंबै म्रुँ ख्रीष्टउँइँले खबै सैं तोंबै ताँमैं म्हिमैंने बिप्रइ।
19 दिलेया हेरोद म्रुँइ ह्रोंसए अलिए प्ह्रेंस्यो हेरोदियासलाइ प्ह्रेंस्यो लसि थेंब नेरो चइ आछ्याँबै केमैं लबइले यूहन्नाइ चलाइ हौदिल।
20 झाइले यूहन्ना झेलर च्युवासि हेरोदइ आछ्याँबै के लबै फिरै या झन् आछ्याँबै के लइ।
21 यूहन्ना झेलर च्युवाब् भन्दा ओंसों चए योउँइँले ताँन् म्हिमैंइ क्युर प्ल्हुँसि बप्तिस्मा किंइ। झाइले येशूज्यै बप्तिस्मा किंसि परमेश्वरने प्राथना लरिमा स्वर्ग थोंयाँइ।
22 झाइले परमेश्वरए पबित्र प्ल्ह तोंगुए क्होले येशूए फिर युसि टिइ। धै “क्हि ङए खोबै च्ह ग, क्हि म्रोंसि ङ बेल्ले सैं तोंइमुँ,” बिबै कै स्वर्गउँइँले युइ।
23 येशूजी धाँसे ओंसों औदिबै के लबर होंमा खी सोंच्यु बर्षर्बै दे मुँल। खी योसेफए च्ह ग बिसि म्हिमैंइ मैंमल।
24 एलीए आबा मत्तात मुँल।
25 योसेफए आबा मत्तियाह मुँल।
26 नग्गैए आबा मात मुँल।
27 योदाए आबा योआनन मुँल।
28 नेरिए आबा मल्की मुँल।
29 एरए आबा यहोशू मुँल।
30 लेबीए आबा शिमियोन मुँल।
31 एल्याकिमए आबा मलेआ मुँल।
32 दाऊदए आबा यिशै मुँल।
33 नहशोनए आबा अम्मीनादाब मुँल।
34 यहूदाए आबा याकूब मुँल।
35 नाहोरए आबा सरूग मुँल।
36 शेलहए आबा केनान मुँल।
37 लेमेखए आबा मतूशेलह मुँल।
38 केनानए आबा एनोश मुँल।