1 दे त्हे लिउँइँ आबा नइमुँ बिसि योसेफइ म्हिमैंउँइँले था योंइ। छतसि मनश्शे नेरो एफ्राइम बिबै च्हमैं किंसि योसेफ याकूब ङाँर ह्याइ।
2 क्हिए च्ह योसेफ खइमुँ बिब् थेसि याकूब बेल्ले भों लसि रेइ धै खाटर क्हुँइ।
3 याकूबइ योसेफने बिइ, “कनान ह्युलर्बै लूजरि तोन्दोंरि सै लल् खाँबै परमेश्वर ङ ङाँर म्रोंयुइ।
4 ‘थेद्, ङइ क्हिलाइ छ्याँब् लमिंसि क्हिए सन्तानमैं ल्हें लमिंब्मुँ। क्हिउँइँलेन् ल्हें ह्रेंमैं लमिंब्मुँ, धै क्हिए च्ह क्वेंमैंन् चु ह्युलए फिर खोंयोंन् बिलैया क्ल्हे तल् पिंब्मुँ,’ बिसि खीजी ङलाइ आशिक पिंइ।”
5 याकूबइ धबै बिइ, “ङ मिश्रर खब् भन्दा ओंसों मिश्रर फिबै क्हिए च्हमैं ङ्हिं ङलन् ग। रूबेन नेरो शिमियोन धोंले एफ्राइम नेरो मनश्शे या ङलन् ग।
6 क्हिल धबै अरू प्हसेमैं तइ बिस्याँ चमैं क्हिल तब्मुँ। चमैंइ एफ्राइम नेरो मनश्शेउँइँले हक योंब्मुँ।
7 ङ पद्दन-आरामउँइँले खमा एप्रातर आफेबर्न कनान ह्युलर राहेल सियाइ। धै एप्रात अथवा बेथलेहेमर ह्याबै घ्याँए रेर ङइ चलाइ पाइ।”
8 योसेफए च्हमैं म्रोंसि याकूबइ “चु कोलोमैं खाब्मैं जा?” बिसि ङ्योएइ।
9 योसेफइ ह्रोंसए आबाने बिइ, “परमेश्वरजी मिश्र ह्युलर पिंबै ङए च्हमैं ग।”
10 च त्हेर याकूबए छ्ह ल्हें तबइले चइ मि छेनाले म्रोंल् आखाँमल। छतसि योसेफइ ह्रोंसए च्हमैं याकूब ङाँर बोमिंइ धै याकूबइ चमैं अँखलो ख्वेसि म्वें लइ।
11 धै याकूबइ योसेफने बिइ, “ङइ धबै क्हिलाइ म्रोंल् योंब्मुँ बिसि आमैंल। दिलेया क्हिए प्हसेमैं या परमेश्वरजी म्रोंल् पिंइमुँ।”
12 झाइले योसेफइ याकूबए क्ह्वेंउँइँले प्हसेमैं स्योवाइ, धै कुरसि आबालाइ फ्योइ।
13 योसेफइ च्हमैं ङ्हिं किंसि एफ्राइमलाइ याकूबए क्योलोउँइँ थेंइ धै मनश्शेलाइ याकूबए त्हेब्रेउँइँ थेंमिंइ। छले ह्रोंसए त्हेब्रेउँइँ नेरो याकूबए (इस्राएलए) क्योलोउँइँ लसि ह्रोंसए प्हसेमैं एस्राएलए चेंदो बोइ।
14 दिलेया मनश्शे ठागु मुँलेया याकूबइ क्योलो यो स्योंसि च्योंब एफ्राइमए क्रर थेंइ, धै त्हेब्रे यो ठागु मनश्शेए क्रर थेंइ।
15 झाइले चइ योसेफने छले आशिक पिंसि बिइ,
16 ङलाइ ताँन् दुःखउँइँले फ्रेमिंबै स्वर्गदूतइ चुमैंए फिर आशिक पिंरिगे!
17 छले आबाइ ह्रोंसए क्योलो यो एफ्राइमए क्रर थेंब् म्रोंसि योसेफए सैं आक्हो, छतसि आबाए यो एफ्राइमए क्रउँइँले स्योसि मनश्शेए क्रर थेंमिंबै ल्हागिर आबाए यो क्हासि।
18 योसेफइ आबाने बिइ, “छले आङिं आबा, चु ठागु ग। चुए क्रर क्हिए क्योलो यो थेंमिंन्।”
19 बिमा याकूबइ बिइ, “ङइ सेइमुँ, च्ह, ङइ सेइमुँ। मनश्शेलै या थेबै कुल तब्मुँ। दिलेया चए अलि च भन्दा थेब तब्मुँ। चए अलिए सन्तानमैं बेल्ले थेबै ह्रेंमैं तब्मुँ।”
20 च त्हिंइर याकूबइ चमैं फिर छ बिसि आशिक पिंइ,
21 झाइले याकूबइ योसेफने बिइ, “तारे ङ सिबै त्हे तइमुँ, दिलेया परमेश्वर क्हेमैंने बालु तरिब्मुँ, धै क्हेमैंए खेमैं-मामैंए ह्युलर धबै क्हेमैंलाइ एबोब्मुँ।
22 शकेम क्हिए आघेंमैं आपिंल्ले ङइ क्हिलाइ पिंइमुँ। च क्ल्ह्यो ङइ सेलाँ नेरो मेत्हलेइ नेसि एमोरीमैंउँइँले ट्होसि किंब् ग।”