1 झाइले मोशा नेरो इस्राएलीमैंइ याहवेहए ल्हागिर चु क्वे प्रिंइ:
2 याहवेहन् ङए शक्ति ग, ङलाइ जोगेमिंब खीन् ग,
3 याहवेहन् ल्हडेंर नेमुँ,
4 “खीजी फारोए रथमैं नेरो चए सिपाइमैं या मा ङ्युँइर भ्योंमिंइमुँ।
5 गैरु क्युइ चमैंलाइ हुवाइ।
6 “ओ याहवेह, क्हिए क्योलो यो बेल्ले भोंब् मुँल।
7 क्हिजी ल्हडेंर ट्होवाँइले क्हिए बिरोधर राब्मैं क्युरु खारमिंइ।
8 क्हिए नखुँर्बै सोइ फुइमा क्युए थुप्रो तयाइ।
9 शत्तुरइ बिइ, ‘ङइ चमैं ल्हासि स्याब्मुँ,
10 दिलेया क्हिजी ह्रोंसए सो फुइमा मा ङ्युँइ (समुन्द्रइ) चमैं हुवाइ।
11 “ओ याहवेह, देवतामैं न्होंर क्हि धों तब खाब् मुँ?
12 क्हिजी क्हिए क्योलो यो स्योंमा
13 क्हिए खोंयोंन् बिलै आखाँबै म्हाँयार क्हिजी मिश्रउँइँले फ्रेमिंबै म्हिमैं डोरेब्मुँ।
14 ह्रें-ह्रेंमैंइ क्हिए बारेर थेसि त्हारब्मुँ।
15 एदोमर्बै क्र थेब्मैं ङ्हिंब्मुँ,
16 ओ याहवेह, क्हिए म्हिमैं क्योंजा अतर्दिन् समा
17 क्हिजी क्हिए म्हिमैं पखसि ह्रोंसए कोंर थेंब्मुँ।
18 याहवेहजी खोंयोंइ बिलै ग्याल्स लरिब्मुँ।”
19 इस्राएलीमैं मा ङ्युँइए म्हाँजोउँइँले क्यु आरेबै सर प्रसि ह्याइ, दिलेया फारोए घोडामैं, रथमैं नेरो घोडा फिर क्रेब्मैं मा ङ्युँइर (समुन्द्रर) होंमा याहवेहजी चमैं फिर मा ङ्युँइए क्यु एपखइ।
20 छतमा अगमबक्तास्यो मिरियम, हारूनए आनाइ, योर खैंचडी किंमा ताँन् च्हमिरिमैं या खैंचडी किंसि सेदै चए लिलि त्होंइ।
21 मिरियमइ छ बिदै क्वे प्रिंबर होंइ,
22 छ तबै लिउँइँ मोशाइ इस्राएलीमैं काँसए घारि मुँबै मा ङ्युँइउँइँले डोरेसि बोइ। चमैं शूर बिबै क्यु आरेबै क्ल्ह्योउँइँ ह्यामा चमैंइ सोंरो समा प्रमा चमैंइ क्यु आयों।
23 झाइले मारा बिबै क्ल्ह्योर त्होंखबै लिउँइँ चमैंइ मारार्बै क्यु थुँल् आखाँ, तलेबिस्याँ चर्बै क्यु काँब मुँल। (छतसि चए मिं मारा (काँब) तइ।
24 छतसि म्हिमैंइ “ङि तो थुँब?” बिसि मोशाने गनगन लबर होंइ।
25 छतमा मोशाइ याहवेह परमेश्वरने प्राथना लमा याहवेहजी चने सिंए म्हुँडा घ्रि उँइँमिंइ, धै चइ सिंए म्हुँडा क्युर झोंमा क्यु लिंब तइ।
26 खीजी बिइ, “क्हेमैंइ ङए ताँ छेनाले थेसि ङइ बिबै ताँन् ताँमैं नेरो ङए ठिममैं म्हाँदिइ बिस्याँ, ङइ मिश्रीमैं फिर कुलब् धों तबै नब-छबमैं घ्रि या क्हेमैंए फिर कुलरिब् आरे, तलेबिस्याँ क्हेमैं सल् लबै याहवेह ङन् ग।”
27 झाइले चमैं एलीम बिबै क्ह्ल्योर फेखइ, चर च्युसे ङ्हिं क्युए मुल नेरो ङिच्यु खजूरए धुँमैं मुँल। चमैंइ च क्यु ङाँर्न प्ह्रों बनेसि टिइ।