1 Gulbe ijoq di brantej deqa e Tamo Koba Qotei pailyonamqa a ijo pailyo quetbej.
2 E endegsi pailyem, “O Tamo Koba Qotei, ni na e aqaryaibimqa jeu tamo naŋgi gisaŋ anjam na e ugetbqa yoqnib keresaiinjrqas.”
3 O gisaŋ anjam maro tamo, Qotei na niŋgi kiyerŋgwas? A gam kiye na niŋgi ŋolawotŋgwas?
4 E marqai. A qoto tamo naŋgo qaja qalat na niŋgi luŋgsim ŋamyuwo kaŋkaŋ na niŋgi koitŋgwas.
5 O Abu Qotei, e tulaŋ sougetejunum. E yauŋ tamo bul unum. E Mesek sawa ti Kedar naŋgo tal ti dia sobulejunum.
6 E qoto kobotqajqa arearetbeqnu. Ariya e bati olekoba tamo qalo qaji naŋgo ambleq di soqnem agi bini unum. Tamo naŋgi di qoto kobotqajqa tulaŋ urateqnub. Deqa e naŋgi qa asgibeqnu. E na naŋgi endegsi minjreqnum, “Niŋgi qoto kobotiy.” Degsi minjreqnamqa naŋgi olo qotqajqa are prugnjreqnu.