1 Ite'n nin yi yab ajtza'kl yi at te cyalma' yi e' mal nak, ya'stzun yi na a'lon scyetz, yi qui tajwe'n tan cyak'ol k'ej Ryos nka yil cyek ẍchi' i'.
2 Yi e'a'tz, na cyocsaj quib tz'aknak cu'n.
3 Chin cachi' nin chijilon. E' cu'n la'j.
4 Yi na chicoye' wi chitx'ach, ntin na cho'c tan xtxumle'n yi e'chk ajtza'kl cachi'.
5 Poro yi teru' Wajcaw, wi'nin xtxaxl talma'u' skibaj, na icy'nak cu'n swutz yi tcya'j.
6 Yi cawunu' chin tz'aknak cunin.
7 Chumbalaj nin yi teru' balajilu' ske'j, na ilu' kaRyosil.
8 Na noj cu'n kac'u'l yi na kawan tanu' xe ca'lu'.
9 Na cho'n na saj yi itz'ajbil te'ju'.
10 Tak' tzaju' bin yi teru' banlu' yi chin tz'aknak cunin, skibaj yi o' yi ato' tk'abu'.
11 Quil tak'u' ama'l scyetz yi e', yi na cyocsaj quib nim tu cyajtza'kl tan inyak'pe'n.
12 Ma jalu', quile'u' yi ẍe'n nchilo'on yi e' mal naka'tz.