1 Kataj Ryos i' yi txekbil wetz.
2 Cyakil yi e' mal nak scyuch' yi e' incontr, ja je' chimolol quib tan imbiyle'n klo'.
3 Pe nink chimole'n quib jun c'oloj sanlar tan imbiyle'n, quil chinxob scyetz.
4 Jun ntzi' xtxolbil na waj tetz Kataj.
5 Na yil tz'ul e'chk c'alaj tiemp tzinwutz, k'uklij inc'u'l yi tz'ocopon Wajcaw tan incolche'n tan yi tetz porer xe tetz ca'l.
6 Nin tan i' chinxcyewe't scye'j incontr, nin quil chintx'ixwij ẍchiwutz.
7 Wajcaw, elk bin k'ajabu' swe'j.
8 Na nternin na el walma' tan joyle'nu'.
9 Qui bin tew tibu' tzinwutz.
10 Pe nink chin quil cyen intaj intxu', quil chimbisun, na at ninu' swe'j.
11 Wajcaw, ẍchaje'u' yi tajbilu' swetz.
12 Quil tak'u' ama'l tan chitx'acone'n yi incontr swe'j, na wi'nin la'jil na xcon cya'n tan joyle'n wil.
13 Poro elnak intxum tetz yi tz'ocoponu' tan wuch'eye'n.
14 Cha'stzun te e'u' intanum quiwit.