1 Yusru wina ayamrutkatin asakmin,
2 Wikia amin chicharkun:
3 Ame wina chichartakum:
4 Aints ainau Yuschau waininayat chikich yusen umirina nuka nukap wait wajakartin ainawai.
5 Apuru ameketme wina mash surustinmeka.
6 Yus wina pujutrun nekas pengker aa nunaka surusmiayi.
7 Yus: Tu pujusta tusa wina jintintrau asamtai,
8 Wina Apurun tuke wijai pujaun wainuyajai.
9 Tura wina nintirun pujurtau asamtai waraajai.
10 Yusru wina wakantrusha jakatniunmaka ukurtuschatnuitme.
11 Tura jinta tuke iwiaaku pujustinnum jeatnuka inaktursatnuitme.